एकै दिन सप्तरीका आठ गाविसमा आगलागी

लिम्वूवान डट व्लगस्पोट डटकम,काठमाडौं

सप्तरी, २६ चैत,एकै दिन सप्तरीका आठ गाविसमा आगलागी भएको छ । भारदह, धनगढी, रायपुर, सिस्वाबेल्ही, अर्नाहा, लोहजारा, शम्भुनाथ र फकिरामा बुधबार राति आगलागी हुँदा सयभन्दा बढी घर जलेर नष्ट भएका छन् भने एक करोडको क्षति भएको छ ।भारदह- ६ मा राति नौ बजे सल्केको भीषण आगोले ११ परिवारका २६ वटा घर जलेका छन् भने आगो निभाउने क्रममा दर्जनभन्दा बढी घर फोरिएका छन् । स्थानीय नथु इसरको घरबाट सल्केको आगो बस्तीभरि फैलिएको थियो । आगलागीमा मात्र ६० लाखभन्दा बढीको धनमाल जलेर नष्ट भएको प्रहरीको प्रारम्भिक अनुमान छ ।यस्तै, धनगढी- ६ मा १४ परिवारको ३२ वटा घर खरानी भएको प्रहरीले जनाएको छ । मनो रामको घरमा खाना पकाउने क्रममा आगलागी सुरु भएको थियो । शम्भुनाथ-२ स्थित दलित बस्तीमा भएको आगलागीमा सात परिवारको १० वटा घर जलेर नष्ट भएको छ ।