सभासदहरुलाई जिल्ला प्रवेश निषेध

लिम्वूवान डट व्लगस्पोट डटकम,काठमाडौं
२४ अप्रिल,२०१०,नेपाली काँग्रेसको भातृ संगठन नेपाल बिद्यार्थी संघ, सिन्धुपाल्चोकले संविधानसभाका सभासदहरुलाई जिल्ला प्रवेश निषेध गरेको छ । प्राप्त समाचार अनुसार शान्ति प्रक्रियालाई सार्थक निष्कर्षमा पुयाई लोकतान्त्रिक संविधान निर्माण नहुञ्जेलसम्मका लागि संघले सभासदहरुलाई जिल्ला प्रवेशमा रोक लगाएको हो । सभासदहरुलाई संविधान निर्माण कार्यमा लाग्न दबाब दिंदै औपचारिक कार्यक्रममा भाग लिन नदिने निर्णय गरिएको सिन्धुपाल्चोक नेविसंघले जनाएको छ । नेविसंघ, सिन्धुपाल्चोकले संविधानसभा भवन, नयाँ बानेश्वरबाट सभासदहरुलाई बाहिर जान नदिन प्रमुख जिल्ला अधिकारीमार्फत सभाध्यक्षलाई समेत ज्ञापनपत्र बुझाएका छन् ।