माओवादी र फोरमले सरकार परिवर्तन गर्ने चेतावनी

लिम्वूवान डट व्लगस्पोट डटकम,काठमाडौं

४ वैशाख,माओवादी र मधेसी जनअधिकार फोरमले आन्दोलनबाट वर्तमान सरकार परिवर्तन गर्ने चेतावनी दिएका छन्　। राजधानीमा आयोजित एक कार्यक्रममा दुवै दलका नेताले शान्ति र संविधानका लागि आन्दोलनअघि नै बाटो खुला गर्न सरकारलाई आग्रहसमेत गरे　।माओवादी उपाध्यक्ष नारायणकाजी श्रेष्ठले राजनीतिक दलहरूबीच राष्ट्रिय सहमति नबनेकाले अर्को आन्दोलन गर्नुको विकल्प नरहेको बताए　। 'अब हाम्रो आन्दोलन निर्णायक हुनेछ　। आन्दोलनको सुरुवात आगामी मजदुर दिवसबाट हुनेछ,' श्रेष्ठले भने　। उनले अबको आन्दोलन सरकार विघटन तथा शान्ति र संविधानलाई निष्कर्षमा पुर्‍याउन केन्दि्रत रहने दाबी गरे　।
कार्यक्रममा मधेसी जनअधिकार फोरमका अध्यक्ष उपेन्द्र यादवले कांग्रेस र एमालेले मिलेर जानी-जानी संविधान लेखन कार्य अवरुद्ध पारेको आरोप लगाए　। मधेसीको माग पूरा नगर्ने वर्तमान सरकार आन्दोलनबाट परिवर्तन हुने बताउँदै अध्यक्ष यादवले भने, 'यो सरकारले मधेसीहरूको माग पूरा गर्न सक्दैन　। हामीले मधेसी मोर्चा र सरकारबीच भएका सहमति कार्यान्वयन गराउन आन्दोलन गर्दै छौँ　।'
अहिलेको सरकारले संविधानसभाको म्याद थप्न नसक्ने पनि अध्यक्ष यादवले बताए　। उनले भने, 'संविधानसभाको म्याद थप्ने अधिकार यो सरकारलाई छैन, यो सरकारले तत्काल विघटन हुनुपर्छ　।'