सबै दल सहमत भइसकेको दावी माओवादी अध्यक्ष

लिम्वूवान डट व्लगस्पोट डटकम,काठमाडौं

आफ्नो पार्टीको नेतृत्वमा सरकार गठन गर्न सबै दल सहमत भइसकेको दावी माओवादी अध्यक्ष प्रचण्डले गरेका छन् । माओवादी अध्यक्ष पुष्पकमल दाहाल प्रचण्डले आफ्नो पार्टीको नेतृत्वमा सरकार गठन गर्न सबै दल सहमत भइसकेको बताएका छन् । साउन २६ गते सिंहदरवारस्थित शान्ति मन्त्रालयमा नेपाली कांग्रेसँगको छलफल सकिएपछि त्यहाँ उपस्थित संचारकर्मीहरुसँग कुरा गर्दै प्रचण्डले आफ्नो पार्टीले भावी सरकारका लागि अर्थ, रक्षा र गृह मन्त्रालयमध्ये एउटा मात्र अरु पार्टीलाई छाड्न सक्ने उल्लेख गरे । 'मन्त्रालय बाँडफाँडबारे नै हाम्रो छलफल जारी छ' प्रचण्डले भने । छलफलका अर्का सहभागि नेपाली कांग्रेस केन्द्रीय सदस्य डा. प्रकाशशरण महतले शान्ति प्रक्रियासँग सम्बन्धित मन्त्रालय माओवादीले नलिदा शान्ति प्रक्रियालाई नै राम्रो हुने भएकाले आफ्नो पार्टीले रक्षा मन्त्रालयको दावी गरेको बताए । 'सेनामा राजनीतिकरण नहोस् भनेर हामीले रक्षाको दावी गरेका हौं, कुनै चलखेल गर्न होइन' महतले भने । माओवादी र एमालेबीच अहिले एमाले संसदीय दलको कार्यलयमा छलफल सुरु भएको छ ।