संघीय लिम्बूवान राज्य परिषदका कार्यकर्ता पक्राउले यातायात बन्द

लिम्वूवान डट व्लगस्पोट डटकम,काठमाडौं

संघीय लिम्बूवान राज्य परिषदका कार्यकर्ताले गरेको बन्दका कारण आज आइतबार पनि मेची राजमार्गमा यातायातका साधन चलेनन् । प्रहरीले पक्राउ गरेका आफ्ना पाँचजना कार्यकर्ताको रिहाइ माग गर्दै उनीहरुले मेची राजमार्गमा शनिबारबाट यातायात बन्द गरेका हुन् ।चन्दा उठाउने क्रममा लिम्बूवान कार्यकर्तालाई प्रहरीले पक्राउ गरेको थियो । अवैध रुपमा चन्दा उठाएको भन्दै प्रहरीले उनीहरुलाई पक्राउ गरेको थियो । यातायात बन्दका कारण मेचीका ताप्लेजुङ, पाँचथर र इलामको जनजीवन प्रभावित भएको छ । ती जिल्लाबाट झापा लगायत स्थानमा चल्ने यातायातका साधन ठप्प रहेका छन् । साधन नचल्दा हजारौं प्रभावित बनेका छन् ।