अमिताभले ब्लगमार्फत आराम गर्ने सुझाव दिए शाहरुखलाई

लिम्वूवान डट व्लगस्पोट डटकम,काठमाडौं

काँधको अप्रेसनपछि घरमा आराम गरेर बसिरहेका अभिनेता शाहरुख खानलाई अर्का अभिनेता अमिताभ बच्चनले ब्लगमार्फत आराम गर्ने सुझाव दिएका छन् । ब्लगमा अभिताभले लेखेका छन्, 'कुनै पनि चोटलाई हल्का रूपमा लिन हुँदैन, मज्जाले आराम गर्नुपर्छ ।' साथै उनले चाँडै निको होस् भनेर शुभकामना पनि दिएका छन् ।अमिताभको सन्देश पढेलगत्तै शाहरुखले फोन गरेर भने, 'मलाई त अस्पतालमा अत्यास लाग्यो, त्यही भएर चाँडै घर आएँ ।' प्रतिउत्तरमा अभिताभले स्वास्थ्यस्थिति बुझ्न अस्पताल जान लागेको बताएका थिए । अभिताभले त्यसो भनेपछि शाहरुखले भने, 'मेरो घरमा आउनुस् तपाईं र म एउटा गेम खेलौँ ।' तर, अमिताभ राजी भएनन् । उनले भने, 'चोटलाई कहिल्यै हल्का रूपमा लिनुहुँदैन पूर्ण रूपमा सन्चो नभएसम्म अरू कार्यक्रममा सहभागी नहुनू ।'