एकीकृत माओवादीले आज देशभर शक्तिप्रदर्शन

लिम्वूवान डट व्लगस्पोट डटकम,काठमाडौं
०६ अप्रिल,२०१०,एकीकृत माओवादीले आज देशभर शक्तिप्रदर्शन गर्दैछ । आज काठमाडौं लगायत देशभरका ७३ जिल्लामा जनप्रदर्शन तथा सभा गरिने एकीकृत माओवादीले जनाएको छ । शान्ति प्रक्रिया, संविधान निर्माण र राष्ट्रिय सहमतिको सरकारका लागि दबाब दिन आज देशभरि प्रदर्शन गर्न लागिएको माओवादीले जनाएको छ । सभाका लागि माओवादीले आफ्ना केन्द्रीय स्तरका नेताहरुलाई देशभरि खटाएको छ । काठमाडौंको खुलामञ्चमा आज हुने सभालाई पार्टी अध्यक्ष प्रचण्ड लगायतका नेताहरुले सम्बोधन गर्ने कार्यक्रम रहेको माओवादीले जनाएको छ । सभा हुनु अगाडि राजधानीका विभिन्न स्थानबाट जुलुस निस्कने भएको छ ।