प्रहरीको गोलीबाट कैदी मारिए

लिम्वूवान डट व्लगस्पोट डटकम,काठमाडौं
०९ अप्रिल,२०१०,जबरजस्ती करणी मुद्दामा तनहुँको दमौली कारागारमा कैदमा रहेका तनहुँको बरभञ्ज्याङ २ का २२ बर्षीय प्रितम बिष्टको आज बिहान पौने एक बजे प्रहरीको गोली लागि मृत्यु भएको छ । प्राप्त समाचार अनुसार कारागारको पर्खाल नाघेर भाग्ने क्रममा प्रहरीले प्रहार गरेको गोली लागि बिष्टको मृत्यु भएको हो । कैदीहरुको आय आर्जनका लागि मुढा बनाउन ल्याइएको बाँसको लिङ्गो चढी कारागारको पर्खालबाट फाल हालेर भागेको बिष्टको प्रहरीले गरेको कारवाहीमा घटनास्थलमै मृत्यु भएको जिल्ला प्रशासन कार्यालय, तनहुँले आज बिहान जारी गरेको प्रेस विज्ञप्तिमा उल्लेख गरिएको छ ।बिष्टको टाउकोमा गोली लागेको प्रहरीले जनाएको छ । घटनाको अनुसन्धानका लागि स्थानीय प्रशासनले सहायक प्रमुख जिल्ला अधिकारी थमनसिंह थापाको संयोजकत्वमा ३ सदस्यीय छानविन समिति गठन गरेको छ ।