विराटनगरस्थित प्रहरी र बिद्यार्थीबीच झड्प

लिम्वूवान डट व्लगस्पोट डटकम,काठमाडौं
०५ अप्रिल,२०१०,परीक्षाकेन्द्र स्थानान्तरण गर्नुपर्ने माग गर्दै बिद्यार्थीहरुले आज उच्च माध्यमिक शिक्षा परिषदको विराटनगरस्थित क्षेत्रीय कार्यालयमा तोडफोड गरेका छन् । बिद्यार्थीहरुले परिषदको कार्यालयमा तोडफोड गरेपछि प्रहरी र बिद्यार्थीबीच झड्प समेत भएको प्राप्त समाचारमा जनाइएको छ ।आगामी बैशाख १६ र २० गते हुन लागेको कक्षा ११ र १२ को परीक्षाकेन्द्र सार्नुपर्ने माग राख्दै आएका सयभन्दा बढी बिद्यार्थीहरुको समूहले परिषदको दर्ता चलानी र रिसेप्सन फाँटमा तोडफोड गरेका थिए । तोडफोडको क्रममा प्रहरीले हस्तक्षेप गर्दा झड्प भएको थियो । झड्पका क्रममा एक बिद्यार्थीलाई प्रहरीले पक्राउ गरेको छ ।