ब्राजिलमा हुने विश्व कप फुटबलको लोगो सार्वजनिक

लिम्वूवान डट व्लगस्पोट डटकम,काठमाडौं

अषाढ २५ - फिफाले सन् २०१४ मा ब्राजिलमा हुने विश्व कप फुटबलको लोगो सार्वजनिक गरेको छ । दक्षिण अफ्रिकाको जोहानेसबर्गमा विश्व कप फुटबल- २०१४ को लोगो सार्वजनिक गरिएको हो ।फिफा अध्यक्ष जोसेफ सेप ब्लाटरले ब्राजिलका राष्ट्रपति लुइज लुला दा सिल्लाको उपस्थितिमा लोगो सार्वजनिक गरेका हुन् । लोगोमा ब्राजिलसहित दक्षिण अमेरिकाको संस्कृति झल्कने रंगहरु प्रयोग गरिएको वश्व कप फुटबल- २०१४ आयोजक कमिटीका अध्यक्ष रिचार्डो टेक्सेरियाले जानकारी दिए ।ब्राजिलका राष्ट्रपति सिल्लाले २०१४ को विश्व कप फुटबल आफ्नो मुलुकमा आयोजना गर्न पाउँदा आफूहरु उत्साहित भएको बताए । उनले त्यसका लागि रंगशाला निर्माण तथा सवारी व्यवस्था मिलाउने कामलाई तीब्रता दिइसकेको जनाएका छन् ।