खोलाले घर बगाउँदा एक परिवारका १० जना बेपत्ता

लिम्वूवान डट व्लगस्पोट डटकम,काठमाडौं

सुर्खेत, साउन ४- अविरल वर्षापछि बढेको खोलाले घर बगाउँदा डोल्पामा एक परिवारका १० जना बेपत्ता भएका छन्। लह गाउँ विकास समिति- ५, करमगाडका लालबहादुर रोकायासहित उनका परिवारजन बेपत्ता भएका हुन्।
खोलाले अन्य तीन स्थानीयका घर बगाउनुका साथै करमगाड इलाका प्रहरी कार्यालयको सम्पूर्ण सामग्री बगाएको छ। मध्यपश्चिमाञ्चल क्षेत्रीय प्रहरी कार्यालयका अनुसार सोमबार राति करिब १ बजेतिर खोलामा बाढी बढ्दा लालबहादुरको घर बगाएको थियो।
घरमा सुतिरहेका लालबहादुरसहित उनका बुवा सोमे, आमा सुविधरा, श्रीमती मनिकला, ११ वर्षीय छोरा सूर्य, जेठो बुवाको छोरा कुन्दरे र नाम नखुलेका एक छोरा तथा अर्की एक काखेछोरीलाई खोलाले बगाएको कार्यालयका डिएसपी नरेशमान श्रेष्ठले बताए। साउने संक्रान्तिमा माइत आएका छोरी-ज्वाइँ पनि खोलामा बगेर बेपत्ता भएका छन्।