लिम्वूवान डट व्लगस्पोट डटकम,काठमाडौं
हवाना/ क्युबाका पूर्वराष्ट्रपति फिडेल क्यास्ट्रोले आफ्ना संस्मरणको पहिलो खण्ड प्रकाशित गर्ने योजनाको खुलासा गरेका छन् । 'रणनीतिक विजय' नाम दिन लागिएको सो पुस्तक आगामी अगस्ट महिनामा
प्रकाशित हुनेछ । पुस्तक कसरी सन् १९५८ मा क्यास्ट्रोको कमान्डमातहतमा रहेका केहीले क्युबाको सरकारी सेनालाई परास्त गरे भन्ने विषयमा केन्दि्रत रहनेछ । ८३ वषर्ीय क्यास्ट्रोले चार वर्षअघि आफ्ना भाइ राउललाई सत्ता हस्तान्तरण गरेपछि कैयौँ महिना यही पुस्तक लेख्न बिताएको बताए । २५ अध्यायमा विभाजित सो प्ुस्तकका कैयौँ शीर्षकमध्ये उनलाई मन परेको शीर्षक होः यसरी हराए तीन सयजनाले १० हजार जनालाई ।
यस खण्डमा तत्कालीन तानासास फुल्गेन्सियो बातिस्ताविरुद्ध लड्दाका तस्बिरहरू, नक्सा र गुरिल्ला युद्धका योजना पनि समावेश गरिएको छ । क्यास्ट्रो स्वयंको भनाइअनुसार, ७४ दिने अन्तिम धक्काको विस्तृत विवरण पनि यस पुस्तकमा हुनेछ । १९५८ अगस्तको पहिलो सातामा लस मार्सिडिसको युद्धमा जब बातिस्ता फौजले हारेपछिको अवस्थाको व्याख्या गर्दे क्यास्ट्रोले लेखेका छन्, 'आततायीको भाग्यको बिर्को त्यसैवेला बन्द भयो, उसको फौजको हार विशिष्ट प्रकारको थियो ।'
पुस्तकमा लेखिएको छ- विद्रोही फौजका ३१ जनाको ज्यान गयो, सरकारी फौजका तीन सय जवानको ज्यान गयो । उनीहरूले कैयौँलाई बन्दी बनाएर लगिएको देखे । विद्रोही सेनाले सरकारी सेनाबाट ठूलो संख्यामा हतियार र गोलीगठ्ठा कब्जामा लियो ।
'त्यसपछि विद्रोही सेना आफ्नो अन्तिम चरणको रणनीतिक आक्रमण गर्ने स्थितिमा आयो,' वयोवृद्ध कम्युनिस्ट क्रान्तिकारी क्यास्ट्रोले लेखेका छन् । युद्धले सारा मुलुक निल्यो र क्यास्ट्रोका विद्रोहीले १ जनवरी १९५९ मा हवाना नियन्त्रणमा लिए । बातिस्ता क्युबाबाट कुलेलम ठोके । रणनीतिक विजय नामक यस पुस्तकमा एक संक्षिप्त आत्मकथा पनि समेटिएको छ । यस खण्डमा क्यास्ट्रोले आफ्ना बाल्यकालको सम्झना गर्दै आफू कसरी गुरिल्ला लडाकु भएँ भन्ने बयान गरेका छन् । तर, उनले भनेका छन्, 'म मेरो बाल्यकाल, कैशोर्य तथा युवाकाल अनि म कसरी क्रान्तिकारी भएँ र युद्धमा होमिएँ भन्नेबारे सयौँ प्रश्नको उत्तर दिन प्रतीक्षा गर्न चाहन्नँ ।'
अर्को महिना ८४ वर्ष टेक्न लागेका क्यास्ट्रो सातपटक मात्र सार्वजनिक रूपमा देखा परेका थिए । उनले बताएअनुसार, उनी अब दोस्रो खण्डमा काम गर्नेछन् जसको नाम 'अन्तिम प्रत्याक्रमण' रहनेछ ।
हवाना/ क्युबाका पूर्वराष्ट्रपति फिडेल क्यास्ट्रोले आफ्ना संस्मरणको पहिलो खण्ड प्रकाशित गर्ने योजनाको खुलासा गरेका छन् । 'रणनीतिक विजय' नाम दिन लागिएको सो पुस्तक आगामी अगस्ट महिनामा
प्रकाशित हुनेछ । पुस्तक कसरी सन् १९५८ मा क्यास्ट्रोको कमान्डमातहतमा रहेका केहीले क्युबाको सरकारी सेनालाई परास्त गरे भन्ने विषयमा केन्दि्रत रहनेछ । ८३ वषर्ीय क्यास्ट्रोले चार वर्षअघि आफ्ना भाइ राउललाई सत्ता हस्तान्तरण गरेपछि कैयौँ महिना यही पुस्तक लेख्न बिताएको बताए । २५ अध्यायमा विभाजित सो प्ुस्तकका कैयौँ शीर्षकमध्ये उनलाई मन परेको शीर्षक होः यसरी हराए तीन सयजनाले १० हजार जनालाई ।यस खण्डमा तत्कालीन तानासास फुल्गेन्सियो बातिस्ताविरुद्ध लड्दाका तस्बिरहरू, नक्सा र गुरिल्ला युद्धका योजना पनि समावेश गरिएको छ । क्यास्ट्रो स्वयंको भनाइअनुसार, ७४ दिने अन्तिम धक्काको विस्तृत विवरण पनि यस पुस्तकमा हुनेछ । १९५८ अगस्तको पहिलो सातामा लस मार्सिडिसको युद्धमा जब बातिस्ता फौजले हारेपछिको अवस्थाको व्याख्या गर्दे क्यास्ट्रोले लेखेका छन्, 'आततायीको भाग्यको बिर्को त्यसैवेला बन्द भयो, उसको फौजको हार विशिष्ट प्रकारको थियो ।'
पुस्तकमा लेखिएको छ- विद्रोही फौजका ३१ जनाको ज्यान गयो, सरकारी फौजका तीन सय जवानको ज्यान गयो । उनीहरूले कैयौँलाई बन्दी बनाएर लगिएको देखे । विद्रोही सेनाले सरकारी सेनाबाट ठूलो संख्यामा हतियार र गोलीगठ्ठा कब्जामा लियो ।
'त्यसपछि विद्रोही सेना आफ्नो अन्तिम चरणको रणनीतिक आक्रमण गर्ने स्थितिमा आयो,' वयोवृद्ध कम्युनिस्ट क्रान्तिकारी क्यास्ट्रोले लेखेका छन् । युद्धले सारा मुलुक निल्यो र क्यास्ट्रोका विद्रोहीले १ जनवरी १९५९ मा हवाना नियन्त्रणमा लिए । बातिस्ता क्युबाबाट कुलेलम ठोके । रणनीतिक विजय नामक यस पुस्तकमा एक संक्षिप्त आत्मकथा पनि समेटिएको छ । यस खण्डमा क्यास्ट्रोले आफ्ना बाल्यकालको सम्झना गर्दै आफू कसरी गुरिल्ला लडाकु भएँ भन्ने बयान गरेका छन् । तर, उनले भनेका छन्, 'म मेरो बाल्यकाल, कैशोर्य तथा युवाकाल अनि म कसरी क्रान्तिकारी भएँ र युद्धमा होमिएँ भन्नेबारे सयौँ प्रश्नको उत्तर दिन प्रतीक्षा गर्न चाहन्नँ ।'
अर्को महिना ८४ वर्ष टेक्न लागेका क्यास्ट्रो सातपटक मात्र सार्वजनिक रूपमा देखा परेका थिए । उनले बताएअनुसार, उनी अब दोस्रो खण्डमा काम गर्नेछन् जसको नाम 'अन्तिम प्रत्याक्रमण' रहनेछ ।
No comments:
Post a Comment