लिम्वूवान डट व्लगस्पोट डटकम,काठमाडौं/डीबी लिम्बू,
पान्थर,६ वैशाख २०६८,पछिल्लो समय युवा वर्गमा जागृत भएको आत्मस्वभिमानले लिम्बुवानवासी जनता उद्वेलित बन्दै गएको अवस्थामा विभाजनको पीडा भोग्नु परेको अवस्थामा लिम्बुवानलाई माया गर्ने आम न्यायप्रेमी जनताले एकताका लागि बारम्बार गरेको आग्रहलाई आत्मसात गर्दै संघीय लिम्बुवान राज्य परिषदका महासचविलगायत महत्वपूर्ण जिम्मेवारीमा रहेका ५२५ नेता तथा कार्यकर्ताहरू बैशाख ६ गते फेदेन पान्थरमा एक पत्रकार सम्मेलन गरी संघीय लोकतान्त्रिक राष्ट्रिय मञ्चसम्बद्ध संघीय लिम्बुवान राज्य परिषदमा प्रवेश भएका छन् ।
अर्को सङ्गठन छोडी मञ्चसम्बद्ध संघीय लिम्बुवान राज्य परिषदमा प्रवेश गर्न आयोजित उक्त पत्रकार सम्मेलनमा प्रवेशीको तर्फाट महासचिव दिलेन्द्र कुरुम्बाङ र साथीहरू तथा मञ्च सम्बद्ध संघीय लिम्बुवान राज्य परिषदको तर्फाट केन्द्रीय अध्यक्ष कुमार लिङ्देन 'मिराक' द्वारा छुट्टाछुट्टै प्रेस विज्ञप्ति जारिगरिएको थियो ।
प्रवेशीको तर्फाट प्रेसित विज्ञप्तिमा एकातिर संघीयता, लोकतन्त्र, धर्मनिरपेक्षता र गणतन्त्रविरोधी अतिवादी, हिन्दू संकीर्ण अन्धजातिवादी दरवारिया तत्वहरूको चलखेल र षडयन्त्र मुलुकमा दिनानुदिन बढिरहेको अवस्था भएको भने अर्कोतिर संविधान सभामा प्रतिनिधित्व गर्ने कथित ठूला दलहरू सत्ता लुछाचुडीमा व्यस्त रहेकाले संविधान लेखन कार्य अवरुद्ध बनेको जनाइएको छ ।
सोही प्रेस विज्ञप्तिमा अगाडि भनिएको छ- ''बहुलतायुक्त नेपाली सामाजिक संरचनाको उचित सम्बोधन संघीयताबाट मात्र सम्भव छ । लिम्बुवानले उठान गरेको मुद्दालाई सही ढङ्गले सम्बोधन गर्न गराउन एकीकृत शक्ति निर्माण गरी देशव्यापी रुपमा सशक्त ढङ्गले अघि बढ्न आम संघीयवादीहरूको मोर्चावन्दी आवश्यक छ । यी तमाम् खाले चुनौतीहरूलाई सामना गर्दै लिम्बुवान र संघीयता विरोधी प्रतिगामी तत्वहरूलाई परास्त गरेर आम शोषित पीडित जनताको चाहनाअनुसारको राज्य पर्ुनर्संरचनासहितको संविधान समयमै जारी गराउन सशक्त दबावको खाँचो छ । यसका लागि सानातिना मतभेद र स्वार्थलाई परित्याग गरी बृहत्रुपमा लिम्बुवानी एकता निर्माण गर्दै जान आवश्यक छ र त्यसको थालनी आज हामीबाट भएको छ ।''
प्रेस विज्ञप्तिमा थप भनिएको छ- ''दुइ सङ्गठनबीच सैद्धान्तिक, वैचारिक र लक्ष्य प्राप्तिको दिशामा खासै मतभिन्नता नभएको अवस्थामा मञ्चसम्बद्ध संघीय लिम्बुवान राज्य परिषदको नीति, रणनीति, कार्यदिशा तथा कार्यक्रम गतिशील ढङ्गले अघि बढिरहेको, सक्षम र डाइनामिक नेतृत्वका कारण सङ्गठनले व्यापकता लिँदै गएको हुनाले लिम्बुवान प्राप्तिको दिशामा लामवद्ध आम नेता, कार्यकर्ता यसैमा सङ्गठित भई लिम्बुवान आन्दोलनको मूलधारको पार्टीले रुपमा मञ्चसम्बद्ध संघीय लिम्बुवान राज्य परिषद्लाई विकास गर्नपर्दछ भन्ने निष्कर्षा साथ हामी निम्न ओहदामा रहेका नेता, कार्यकर्ताहरू र्सगर्व यस परिषदमा आजदेखि समाहित भएको घोषणा गर्दछौं ।''
१. दिलेन्द्र कुरुम्बाङ, महासचिव
२. जकेन्द्र लावती, उपाध्यक्ष जि. का. स, पान्थर
३. चन्द्रराज आङ्देम्बे, पूर्व सचिव जि. का. स. पान्थर
४. अमिर लिम्बू, कोषाध्यक्ष जि.का.स. पान्थर
५. छवि लावती, पूर्व काषाध्यक्ष जि. का. स. पान्थर
६. सेमिक लावती, सदस्य जि. का. स. पान्थर
७. आइतराज सम्बाहाङ्फे, सदस्य जि. का. स. पान्थर
८. धनकुमारी लावती, सदस्य जि. का. स. पान्थर
९. गणेश केरुङ उपाध्यक्ष लिम्बुवान विद्यार्थी परिषद जि. का. स. पान्थर
१०. पूर्ण कुमार मिफोक, २ नं. क्षेत्रीय अध्यक्ष यासक पान्थर
लगायत गाउँ, वडास्तर तथा जनवर्गीय सङ्गनका नेता कार्यकर्तासपिहत जम्मा ५२५ जना मञ्चसम्बद्ध संघीय लिम्बुवान राज्य परिषदमा समाहित भएको सहर्षजानकारी गराउँदछौं ।
विज्ञप्तिमा अब फुटेर होइन जुटेर लिम्बुवान प्राप्तिको संघर्षमा होमिनुको विकल्प नभएकोले जान-अञ्जानमा अन्यत्र अलमलिइरहनु भएका तमाम् लिम्बुवानप्रेमी इमान्दार नेताकार्यकर्ताहरूलाई पनि यही गौरवशाली सङ्गठनमा समाहित हुनसमेत आह्वान गरिएको छ । साथै, सोही विज्ञप्तिको अन्तमा नववर्ष२०६८ को शुभकामनासहित यो वर्षाई लिम्बुवान प्राप्तिको वर्षबनाइछाड्ने दृढतासमेत व्यक्त गरिएको छ ।
यसैगरी, संघीय लोकतान्त्रिक राष्ट्रिय मञ्चसम्बद्ध संघीय लिम्बुवान राज्य परिषदको तर्फाट नव प्रवेशी नेता तथा कार्यकर्ताहरूलाई स्वागत गर्न परिषदका केन्द्रीय अध्यक्ष कुमार लिङ्देन 'मिराक'द्वारा प्रेसित विज्ञप्तिमा विगतका टुटफुटले गर्दा लिम्बुवानी आन्दोलनले धेरै उत्तारचढाब र हन्डर-ठक्करहरू व्यहोर्नु परेको तर अनेक व्यवधानहरूलाई पार गर्दै मञ्च सम्बद्ध संघीय लिम्बुवान राज्य परिषद लिम्बुवान प्राप्तिको लागि अविचलित अघि बढिरह्यो र बढिरहेकोले मञ्चसम्बद्ध परिषदको यही इमान्दारिता र लगनशीलतालाई देखेर अहिले लिम्बुवानवासी जनता नेता कार्यकर्ताहरूले यस परिषदप्रति आफ्नो शुभेच्छा र सहभागिता बढाइरहेको जनाइएको छ ।
यहीक्रम्मा संघीय लिम्बुवान राज्य परिषद (सञ्जुहाङ अध्यक्ष भएको) का केन्द्रीय महासचिव दिलेन्द्र कुरुम्बाङलगायत महत्वपूर्ण जिम्मेवारीमा रहनुभएका अन्य साथीहरू मञ्चसम्बद्ध परिषदको विधान, घोषणा-पत्रलाई सहर्षस्वीकार गरी मञ्चसम्बद्ध संघीय लिम्बुवान राज्य परिषदमा प्रवेश गर्नुभएको जाकारीका साथ वहाँहरूको यो प्रवेश लिम्बुवान आन्दोलनमा एक ऐतिहासिक कोशेढुङ्गा हुने, वहाँहरूलाई लिम्बुवानको इतिहासले सम्झने र वहाँहरूको प्रवेशले लिम्बुवानी राजनीतिमा रहेका थुप्रै जिज्ञासाहरूको स्वतः उत्तर दिनेछ भनिएको छ ।
विज्ञप्तिमा अगाडि भनिएको छ- ''विशेषतः ऐतिहासिक रुपमा लिम्बुवानको मुटु मानिएको पान्थर जिल्लाबाट शुरुभएको यो प्रवेशको लहरले थुप्रै लहर र तरङ्गहरू र्सजना गर्नेछ । यो ऐतिहासिक क्षणमा नयाँ प्रवेश गर्नुहुने सबै नेता तथा कार्यकर्ताहरूलाई संघीय लोकतान्त्रिक राष्ट्रिय मञ्च सम्बद्ध संघीय लिम्बुवान राज्य परिषद केन्द्रीय कार्य समिति, यसका हजारौं नेता, कार्यकर्ता र लाखौं शुभेच्छुकहरूको तर्फाट हृदयको भित्रीतहबाट हार्दिक हार्दिक स्वागत गर्न चाहन्छौं, स्वागत गर्दछौं ।''
प्रवेशको यो चरण पहिलो होस् र उहाँहरू र हामी सबै मिलेर थुप्रै चरणहरू सिर्जना गर्न सक्नेछौं भन्ने आसा गर्दछौं भन्दै वहाँहरू हिजो पनि सँगै कार्य गरेको साथीहरू हुनाले अब सँगै कार्य गर्नु पनि सहज हुने विश्वस्त दिलाउँदै नवप्रवेशी साथीहरूलाई निम्नानुसार महत्पूर्ण जिम्मेवारी प्रदान गरिएको छ-
दिलेन्द्र कुरुम्बाङ -पूर्व महासचिव) मञ्च सम्बद्ध संघीय लिम्बुवान राज्य परिषदको केन्द्रीय सचिवालय सदस्य (पोलिटव्युरो), जकेन्द्र लावती (पूर्व उपाध्यक्ष) उपाध्यक्षः मञ्चसम्बद्ध संघीय लिम्बुवान राज्य परिषद जिल्ला कार्य समिति पान्थर, चन्द्रराज आङ्देम्बे (पूर्व सचिव), जिल्ला सचिवालय सदस्यः मञ्च सम्बद्ध संघीय लिम्बुवान राज्य परिषद जिल्ला कार्य समिति पान्थर, अमिर लिम्बू (पूर्व कोषाध्यक्ष) जिल्ला सचिवालय सदस्यः मञ्च सम्बद्ध संघीय लिम्बुवान राज्य परिषद जिल्ला कार्य समिति पान्थर, छवि लावती (पूर्व कोषाध्यक्ष), आइतराज सम्बाहाङ्फे(पूर्व सदस्य), सेमिक लावती 9पूर्व सदस्य), धनकुमारी लावती(पूर्व सदस्य)हरूलाई मञ्चसम्बद्ध संघीय लिम्बुवान राज्य परिषद जिल्ला कार्य समिति सदस्यको जिम्मेवारी दिइएको छ ।
त्यसैगरी, फूलकुमारी तुम्रोक (पूर्व उपाध्यक्ष लिम्बुवान नारी परिषद) लाई संघीय लिम्बुवान महिला परिषद जिल्ला कार्य समिति पान्थरको सदस्यमा, गणेश केरुङ (पूर्व उपाध्यक्ष लिम्बुवान विद्यार्थी परिषद) लाई संघीय लिम्बुवान विद्यार्थी युनियन लिम्बुवान जिल्ला सचिवालय सदस्य पान्थर, र पूर्णकुमार मिफोक (पूर्व २ नं. क्षेत्रीय अध्यक्ष यासक पान्थर) लाई मञ्च सम्बद्ध संघीय लिमबुवा राज्य परिषद क्षेत्रीय समिति सचिवालय सदस्यको जिम्मेवारी दिइएको छ ।
अन्य सदस्यहरूलाई बैठकपछि तत्काल थप जिम्मेवारी प्रदान गरिने पनि विज्ञप्तिमा जनाइएको छ ।
विज्ञप्तिको अन्तमा भनिएको छ- ''मञ्च सम्बद्ध परिषद संघीय संरचनाअर्न्तर्गत् मञ्चमा आवद्ध रहनेछ र यो परिषद सधैं संघीयता, लोकतन्त्र, गणतन्त्र, धर्मनिरपेक्षता र अरुणपूर्व नौ जिल्ला लिम्बुवानप्रति प्रतिवद्ध रहनेछ । यो परिषद राजनीति प्रक्रियाले अघि बढ्नेछ । यो परिषदले एकात्मक मतदाता नामावली सङ्कलनको विरोध गर्दछ । जल, जङगल, जमिन सम्पूर्ण स्वायत्त अधिकारहरू लिमबुवानवासीलाई प्रदान गरिनुपर्दछ भन्ने अडानमा दृढ छ । यो परिषद लिम्बुवानका सबै जाति, वर्गलाई समेटेर अघि बढ्ने प्रण गर्दछ ।''
