राज्यमन्त्री लामाबारे जानकारी पठाउन प्रधानमन्त्रीलाई पत्राचार

लिम्वूवान डट व्लगस्पोट डटकम,काठमाडौं

वैशाख ६ - एमाले अनुशासन आयोगले अर्थराज्यमन्त्री डा ल्हारक्याल लामाको सम्बन्धिमा संचार माध्यममा आएका समाचारहरुको वास्तविकताबारे जानकारी पठान प्रधानमन्त्री झलनाथ खनाललाई पत्राचार गरेको छ । लामाले दोहोरा नागरिकता र पासपोर्ट प्रयोग गरिरहेको छ, तिब्बती आन्दोलनलाई सहयोग पुर्‍याएको लगायत विवादस्पद समाचारहरु संचार माध्यममा आइरहेका छन् । आयोगका अध्यक्ष अमृतकुमार बोहोराले मंगलबार पत्र पठाएका हुन् । यस बिषयमा आयोगले आफ्नो गम्भिर ध्यानाकर्षण भएको उल्लेख गर्दै यदी त्यी बिषयहरु वास्तविकत भए कानूनविपरित हुने स्पष्ट गरेको छ ।

'सभासद् जस्तो मर्यादित पदमा आसिन व्यक्ति बारे प्रकाशित समाचारहरुको वास्तविकता के हो, यसको तथ्यगत छानविन गर्ने र यदि उहाँबाट त्यस्तो सामाजिक आचरण र कानून विपरित कार्य भएको हो भने यो गम्भीर कारवाहीको विषय हुनेछ' आयोगले भनेको छ । आयोगले राजनैतिक वा पार्टीको जुनसुकै जिम्मेवारी सम्हालेका हरेक व्यक्ति अनुशासित र नैतिकवान हुनु पर्ने बताएको छ । 'सामाजिक आचरण, नैतिकता र अनुशासन जस्तो विषयको उल्लंघन गर्ने व्यक्ति जोसुकै भए पनि पार्टी विधान अनुसार कारवाही गरिएको र अब पनि गर्न आयोग दृढ रहनेछ' आयोगले भनेको छ ।