देशभरका सिटीइभिटी अन्तर्गतका शिक्षण संस्था बन्द आह्वान

लिम्वूवान डट व्लगस्पोट डटकम,काठमाडौं

एकीकृत माओवादी निकट अखिल क्रान्तिकारीले आज देशभरका सिटीइभिटी अन्तर्गतका शिक्षण संस्था बन्द आह्वान गरेको छ । सिटिइभिटी पश्चिम जिल्ला सदस्य प्रेम वलीको हत्याको विरोधमा क्रान्तिकारीले बन्द आह्वान गरेको हो । घटनामा संलग्नलाई कार्वाही गर्न पीडित परिवारलाई क्षतिपूर्ति दिन र शान्ति सुरक्षाको प्रत्याभुति प्रदान गर्न क्रान्तिकारीले क्याम्पस प्रशासन र सरकारसँग माग गरेको छ । सिटिइभिटीको आंङ्गिक क्याम्पस भेरी प्राविधिक शिक्षालय बाँके नेपालगाजमा डिप्लोमा ईन सिभिल ईञ्जनियरिङ पहिलो वर्षमा अध्ययन गरिरहेका ओलीको कलेज हाताभित्रै अज्ञात समूहले शुक्रबार साँझ आक्रमण गरी हत्या गरेको थियो ।