सरकारले आगामी जेठ ९ गते वार्षिक पूर्ण बजेट प्रस्तुत गर्ने

लिम्वूवान डट व्लगस्पोट डटकम,काठमाडौं

वैशाख १२ - सरकारले आगामी जेठ ९ गते आर्थिक वर्ष २०६८ / ६९ को वार्षिक पूर्ण बजेट संसदमा प्रस्तुत गर्ने भएको छ । प्रधानमन्त्री झलनाथ खनालको सिफारिसमा राष्ट्रपति रामवरण यादवले बैशाख १९ गतेदेखि संसदको दसौं अधिवेशन आहृवान गरेपछि संसद सचिवालयले बजेट प्रस्तुत गर्ने कार्यतालिका सोमबार सार्वजनिक गरेको हो । सरकारले अघिल्लो वर्ष सरकारले अध्यादेशबाट ल्याएको बजेट प्रतिष्थापन गर्न पूरक बजेट ल्याउने तयारी गरे पनि विपक्षी दलको विरोधका कारण पूर्ण बजेट ल्याउने भएको हो । पूर्ण बजेटअघि अर्थमन्त्री भरमोहन अधिकारीले बैशाख १९ गते बस्ने संसद बैठकमा बजेटको सैद्धान्तिक पक्षबारे जानकारी गराउने छन् । बजेटको सैद्धान्तिक पक्षको छलफल बैशाख २३ गते सकिएपछि सरकारले वार्षिक नीति तथा कार्यक्रम बैशाख २७ गते सार्वजनिक गर्ने छ । राष्ट्रपति रामवरण यादवले संसद बैठकमा वार्षिक नीति तथा कार्यक्रम सार्वजनिक गर्ने छन् । यसअघि प्रधानमन्त्रीको सिफारिसमा राष्ट्रपति यादवले गत शुक्रबार हिउँदे अधिवेशन अन्त्य गरेका थिए ।