मोटर साईकल कुदाएर विश्व किर्तिमान लेखाउने घोषणा

लिम्वूवान डट व्लगस्पोट डटकम,काठमाडौं

नेपाल प्रहरीका हवल्दार समसेर लम्सालले निरन्तरत २५ घण्टासम्म मोटर साईकल कुदाएर विश्व किर्तिमान सहित गिनिज बुक अफ वर्ल्ड रेकर्डमा नाम लेखाउने घोषणा गरेका छन् । रिपोर्टर्स क्लब नेपालमा पत्रकार सम्मेलनको आयोजना गरेर शुक्रवार लम्सालले गिनिजबुकमा अहिलेसम्म अँकित नभएको सो विषयको किर्तिमान राख्ने तयारीमा आफू रहेको जानकारी दिए । काठमाडौको बुढानिलकण्ठमा कार्यरत लम्सालले सुनौलि सरुवा भए पछि काठमाडौबाट पोखरा हुँदै सुनौली पुगेर निरन्तर १८ घण्टा मोटरसाईकल चलाएर काठमाडौ फर्केको घटनाबाट आफूलाई सो किर्तिमान कायम गर्न हौसला मिलेको बताए । सुनौलि जान नचाहेर पोखरा क्षेत्रीय कार्यालयमा हाजिर हुन गएका उनलाई त्यहाँ पनि हाजिर नगराईए पनि उनी सुनौलि हुँदै लुगाफाटा लिन काठमाडौ आएका थिए । तनहुँ घर भएका लम्सालले किर्तिमानको तयारी गरिरहे पनि नयाँ मोटर साईकल नभएका कारण केह ढिलो हुन सक्ने बताए । यद्यपि उनले कसैले प्रायोजन गरे आफू बैशाखमै किर्तिमानकोलागी तयार भएको बताए ।