News

Apr 29, 2011

प्रचण्डको प्रस्ताव पारित गर्दै माओवादी बैठक सकियो

लिम्वूवान डट व्लगस्पोट डटकम,काठमाडौं
एकसाता देखि राजधानीमा जारी एकीकृत माओवादी केन्द्रीय समितिको बैठक आज सकिएको छ बैठकले तत्कालका लागि जनविद्रोहको कार्यनीति स्थगन गरी शान्ति र संविधानलाई जोड दिएर अघि बढ्ने अध्यक्ष पुष्पकमल दाहाल प्रचण्डको राजनीतिक प्रस्ताव पारित गरेको छ । अध्यक्षको प्रस्ताव बहुमतले पारित भएको बैठकपछि प्रवक्ता दिनानाथ शर्माले सञ्चारकर्मीलाई जानकारी दिनुभयो । पार्टीको निर्णयप्रति असहमति जनाउँदै उपाध्यक्ष मोहन वैद्यले भने नोटआफ डिसेन्ट लेख्नु भएको छ । पालुङटार विस्तारित बैठकले जनविद्रोहमा जाने निर्णय गरेपनि पछिल्लो समय अध्यक्ष प्रचण्डले तत्काल जनविद्रोह सम्भव नभएको भन्दै कार्यनीति परिवर्तन गरी शान्ति र संविधानमा ध्यान केन्द्रीत गर्नुपर्ने प्रस्ताव ल्याएपछि माओवादीमा विवाद थियो । प्रचण्डले यसअघि स्थायी समितिमा उक्त प्रस्ताव ल्याएपछि वैद्य समूहले कार्यदिशा परिवर्तनका लागि केन्द्रीय समितिले निर्णय गर्नुपर्ने अडान लिएपछि शुक्रबार देखि बैठक बसेको हो
आज बिहान सदस्यहरुले उठाएका जिज्ञाशाको जवाफ दिने क्रममा उपाध्यक्ष वैद्य अध्यक्ष प्रचण्ड विरुद्ध खरो रुपमा उत्रनु भएको एक नेताले बताए । स्रोतका अनुसार वैद्यले बैठकमा प्रचण्डले ल्याएको प्रस्ताव सुधारवादी दिशातिरको यात्रा भएको आरोप लगाउँदै त्यसले पार्टीलाई एमालेकरण गर्ने दावी गर्नुभएको थियो ।

No comments: