प्रहरीबीच झडप हुँदा ८ जना प्रहरी र दुई दर्जन प्रदर्शनकारी घाइते

लिम्वूवान डट व्लगस्पोट डटकम,काठमाडौं

इनरुवा, वैशाख ५ - सुनसरीको इनरुवामा वन उपभोक्ता महासंघका कार्यकर्ता र प्रहरीबीच झडप हुँदा ८ जना प्रहरी र दुई दर्जन प्रदर्शनकारी घाइते भएका छन् । सरकारले वन पैदावर कटान वन्दको फुकुवा गर्नुपर्ने माग राख्दै महासंघका कार्याकताले जिल्ला वन कार्यालय सुनसरीमा सोमबार कालो झण्डा गाढन लाग्दा प्रदर्शनकारी र प्रहरीबीच झडप भएको हो । जिल्ला वन कार्यालयमा झण्डा गाढ्न नदिएपछि प्रदर्शनकारीले प्रहरीमाथि डुंगामुढा गर्न थालेका थिए । प्रर्दनका क्रममा प्रहरीले दुई सेल अश्रु ग्यास हानेको थियो । २५ वटा वसमा आएका प्रदर्शनकारी र प्रहरीबीच करिब १ घण्टासम्म दोहोरो ढुंगा हानाहान भएको थियो । प्रदर्शनले सुनसरी र इनरुवाका यातायत केहीबेर ठप्प बन्यो । प्रर्दनकारीलाई सदरमुकामबाट हटाउन तीन सय शसस्त्र जनपथ प्रहरी खटाइएको थियो ।