रातो पासपोर्ट दुरुपयोगबारे अख्तियारको अनुसन्धान जारी

लिम्वूवान डट व्लगस्पोट डटकम,काठमाडौं

साह र यादवलाई चार दिन थुनामा राख्न अनुमतिअख्तियारका सचिव भगवतीकुमार काफलेले प्रहरी र अख्तियारले गरेका अनुसन्धान फरकफरक भएकाले आफूहरूको अनुसन्धान नरोकिएको नेपाल समाचारपत्रलाई जानकारी दिनुभयो। हामीले भ्रष्टाचारको पाटोबाट अनुसन्धान गरिरहेका छौं, अनुसन्धान गर्दै जाँदा त्यसमा भ्रष्टाचार गरेको देखिएमा थप कारबाही गर्न पछि पर्दैनौं’ -सचिव काŠलेले भन्नुभयो।आŠनो नाममा जारी भएको रातो पासपोर्ट बेच्ने जनता दलकी सभासद् गायत्री साह र मधेसी जनअधिकार फोरमका सभासद् विश्वनाथप्रसाद यादवलाई मंगलबार प्रहरीले पक्राउ गरेको थियो।ती दुइ सभासद्सँग यसअघि अख्तियारले बयान लिइसकेको थियो। अख्तियारले रातो पासपोर्ट बेच्ने कार्यमा परराष्ट्र मन्त्रालयका कर्मचारीको पनि हात हुन सक्ने आशंका गरी त्यहाँका केही कर्मचारीलाई पनि बयानका लागि बोलाएको छ।अख्तियारका प्रवक्तार् इश्वरीप्रसाद पौडेलले परराष्ट्रका केही कर्मचारीलाई बोलाएको जानकारी दिँदै तीमध्ये केही विदेशमा भएकाले बयानका लागि केही ढिलाइ भएको बताउनुभयो।अख्तियारस्रोतले नेपाल समाचारपत्रलाई दिएको जानकारीअनुसार सभासद्द्वय साह र यादवको रातो पासपोर्ट अख्तियारबाट मगाउनेबित्तिकै प्रहरीले ती दुइलाई पक्राउ गरेको थियो।यसअघि ती पासपोर्ट अख्तियारको नियन्त्रणमा थिए।यसैबीच काठमाडौं जिल्ला अदालतले सभासद्द्वय साह र यादवलाई राहदानी ऐनविपरीत कार्य गरेको हो/होइन भनी थप अनुसन्धान गर्न नेपाल प्रहरीलाई चार दिन थुनामा राख्न अनुमति दिएको छ।