वार्ता नमिलिकन बन्द खुलाएको भन्दै आज फेरि इलाम बन्द

लिम्वूवान डट व्लगस्पोट डटकम,काठमाडौं

इलामका चिया किसानले वार्ता नमिलिकन बन्द खुलाएको भन्दै आज फेरि यातायात बन्द गराएका छन् । बन्दका कारण आज बिहानैदेखि गन्तव्यतिर लागेका सवारी साधनलाई किसानहरुले इलामको आइतबारे सडकखण्डमा रोकेर राखेका छन् । किसानले आइतबारे सडकखण्डमा ३०-३५ सवारी साधन रोकेर राखेको प्रहरी निरीक्षक देवेन्द्र पाण्डेले जानकारी दिनुभएको छ । यता किसानले आफ्नो माग पूरा नभएसम्म आन्दोलन जारी राख्ने भएका छन् । गत आइतबारदेखि चिया मजदुर र कारखानाबीच सेवासुविधाको कुरा नमिल्दा बन्द गराइएका कारखाना खुलाउन किसानले ३ दिनदेखि सडक बन्द गराएका हुन् । स्थानीय प्रशासन र आन्दोलनरत चिया किसानबीच हिजो भएको वार्ता विना निष्कर्ष टुङ्गिएको थियो ।