ईन्द्रबहादुर रार्इ २० तारीख बुधबार हङकङ आउने

लिम्वूवान डट व्लगस्पोट डटकम,काठमाडौं/देश सुब्बा

नेपाली महासंघ हङकङको आयोजना र नेपाली साहित्य प्रतिष्ठान हङकङको संयोजनमा सम्पन्न हुन गइरहेको 'हङकङमा नेपाली साहित्य र विचार गोष्ठी'को तयारी पूरा भएको छ । कार्यक्रम तालिका अनुसार अप्रिल २२ तारिख साँझ ६ बजेबाट याउ मा तेइको कम्युनिटी हलमा शुरु हुने कार्यक्रममा प्रतियोगितात्मक कविता गोष्ठी, हङकङबाट उत्पादित विचार गोष्ठी र प्रमुख अतिथि र्इन्द्रबहादुर रार्इबाट तेस्रो आयाम, लीला लेखन र विश्व साहित्य, दर्शनमा बोल्ने कार्यक्रम छ । यस कार्यक्रमको प्रत्यक्ष प्रसारण मिडिया पार्टनर http://www.mulbato.com/ ले गर्ने भएको छ । कार्यक्रमलाई संरक्षण गर्न हेम लिम्बूको संयोजनमा हेजेन रार्इ, धन थापा, जे. एन. ज्ञवाली, किसन रार्इ सदस्य रहेको एउटा संरक्षण परिषदको पनि गठन भएको छ । कार्यक्रममा भाग लिन श्री र्इन्द्रबहादुर रार्इ र श्रीमती मायादेवी रार्इ यही अप्रिल २० तारीख बिहान हङकङ आइपुग्ने भएका छन् । रार्इ दम्पतिको यो दोस्रो विदेश यात्रा हो । यसभन्दा अघि उनीहरूले बेलायतको यात्रा गरेका थिए ।र्इन्द्रबहादुर रार्इ नेपाली साहित्यका शिखर पुरुष हुन् । उनलाई विश्व दर्शनको ज्ञाता मानिन्छ । हङकङको उनको आगमनले यहाँका साहित्यकारहरू निकै उत्साहित भएका छन् । कार्यक्रमलाई विशिष्टता दिन आयोजक र संयोजक संस्था यतिखेर कम्मर कसेर लागेका छन् । नेपाली महासंघ हङकङका अध्यक्ष प्रदिप थापा भन्छन्, "उहाँजस्तो विद्वान् व्यक्तिको उपस्थितिले हङकङको उचाइ बढाएको छ ।" त्यस्तै संयोजक संस्था प्रतिष्ठानका अध्यक्ष टंक सम्बाहाम्फे भन्छन् " र्इन्द्रबहादुर रार्इको आगमनले संसारभरिका साहित्यकाररूको ध्यान हङकङमा तानिएको छ ।" संरक्षक समितिका संयोजक हेम लिम्बू भन्छन्, "जतिसक्दो कार्यक्रमलाई सफल पार्न सहयोग गर्न हामी एकदमै उत्साहित भएका छौँ ।"र्इन्द्रबहादुर रार्इ तेस्रो आयाम र लीला लेखनका अभियन्ता हुन् । उनले भारतबाट साहित्य एकेडेमी पुरस्कार, नेपालबाट जगदम्बा पुरस्कार, सिक्किमबाट अगमसिंह गिरी पुरस्कार प्राप्त गरिसक्नु भएको छ ।