News

Apr 24, 2011

काङ्ग्रेसको राष्ट्रिय जागरण शान्ति अभियान आजबाट शुरु

नेपाली काङ्ग्रेसले राष्ट्रिय जागरण शान्ति अभियान आजबाट औपचारिक रुपमा शुरु भएको छ। लोकतन्त्र दिवसको अवसर पारेर आज पोखरामा आमसभा गरेर काङ्ग्रेसले पोखरामाबाट त्यसको सुरुवात गरेको हो । सभालाई संवोधन गर्दै काँग्रेस सभापति सुशील कोइरालाले माओवादी शान्ति प्रक्रियाप्रति प्रतिवद्ध हुने हो भने जेठ १४ अघिनै शान्ति र संविधानको अभिभारा पुरा गर्न सकिने बताउनुभयो । तर कार्यक्रममा सहभागी बरिष्ठ नेता शेरबहादुर देउवाले भने जेठ १४ मा कुनैपनि हालतमा संविधान जारी गर्न नसकिने बताउनुभयो । उहाँले संविधान बन्छ भनेर नागरिकलाई झुक्याउनुभन्दा अहिलेनै सत्य कुरा भन्नुपर्नेमा जोड दिनुभयो । सभामा गण्डकीका र धौलागिरी अञ्चलका ५० हजार भन्दा बढी नेता कार्यकर्ताहरुको सहभागिता रहेको काँग्रेसले जनाएको छ । सभा सुरु हुनुअघि पोखराको सभागृह चोकबाट नारा जुलुससहित र्‍याली निस्किएको थियो ।

No comments: