किराँत जनवादी वर्कस पार्टीका अध्यक्ष विवश मारिए

लिम्वूवान डट व्लगस्पोट डटकम,काठमाडौं

खोटाङ, वैशाख ८ - किराँत जनवादी वर्कस पार्टीका अध्यक्ष विवश विद्रोह मारिएका छन् । भोजपुरस्थित पाङ्चा गाविसको गरगरे भन्ने ठाउमा चैत २५ गते भएको झडपमा उनी मारिएका हुन् । प्रहरीका अनुसार त्यहाँस्थित डुङ्गा सञ्चालनमा रोक लगाएपछि विवाद हुँदा स्थानीयसंग झडप भएको थियो । स्थानीयले भने उनी मारिएको नभइ दूध कोसीमा हाम्फालेको बताएका छन् । उनको परिवारले खोजीका लागि राष्ट्रिय मानवअधिकार आयोग क्षेत्रीय कार्यालयमा बैशाख ४ गते उजुरी दिएका थिए । झडपमा गोलीसमेत चलेको थियो । गोली विद्रोही विवश पक्षले चलाएको स्थानीयको भनाइ छ । उनीसंग रहेका खोटाङ च्यानडाँडाका हंकराज राई भने २६ गते नै पक्राउ परेको प्रहरीले जनाएको छ । उनलाई भोजपुर प्रहरी कार्यालयमा राखिएको छ । उदयपुरको बेल्टार निवासी दिनेश राई भनिने विवश विद्रोहीले नेतृत्व गरेको किरात जनवादी वर्कस पार्टीले चन्दा आतङ्क तथा खोटाङको नुनथला, चिसापानी, देविस्थान र फाक्टाङको प्रहरी चौकी कब्जा गरी त्यहाँबाट प्रहरीको हतियार लुटेरको थियो ।