News

Apr 27, 2011

साई बाबाको आज राजकीय सम्मानका साथ पुट्टापर्थीमा अन्तिम संस्कार

लिम्वूवान डट व्लगस्पोट डटकम,काठमाडौं
चर्चित आध्यात्मिक गुरु सत्य साइ बाबाको आज अन्त्येष्टि गरिँएको छ। बाबाको राजकीय सम्मानका साथ पुट्टपर्तिस्थित उहाँकै निलयम आश्रममा अन्त्येष्टि गरिँएको छ। करिव डेढ घण्टाको धार्मिक विधिपछि समाधिस्त गरिने भारतीय सञ्चारमाध्यमहरुले जनाएका छन्। अन्त्येष्टिमा साईबाबाका शुभेच्छुक र आश्रमका कर्मचारीहरुको बाक्लो उपस्थिति रहेको थियो। आन्ध्र प्रदेशका मु्ख्य मन्त्री अन्त्येष्टिमा सहभागी रहेका छन्। यसअघि सत्य साइ बाबाको अन्तिम दर्शनको गएराति ११ बजेसम्मको लागि समय तोकिएको थियो। हिजै भारतीय प्रधानमन्त्री मनमोहन सिंह, कांग्रेस आइकी अध्यक्ष सोनीया गान्धी लगायत केन्द्रीय नेताहरु पुट्टपर्थीपुगी श्रद्धाञ्जली व्यक्त गरेका थिए। अहिले आश्रम परिसरमा साइ भक्तहरुको उल्लेख्य उपस्थिति छ। सत्य साइ बाबाको मुटु र मृगौलाको समस्याका कारण गत आइतबार पुट्टपर्ति स्थित उहाँकै अस्पतालमा उपचारको क्रममा निधन भएको थियो।

No comments: