भारतीय विदेशमन्त्री नेपाल भ्रमणमा आउने

लिम्वूवान डट व्लगस्पोट डटकम,काठमाडौं

भारतीय विदेशमन्त्री एमएस कृष्णा नेपाल भ्रमणमा आउन लागेका छन् । परराष्ट्र मन्त्रालय स्रोतका अनुसार आगामी केही दिन भित्रै हुने कृष्णाको भ्रमणका क्रममा दुई देशवीच पछिल्लो समयमा उत्पन्न खटपट अन्त्य गरी सम्वन्ध सुधारको प्रयास हुने छ । भारतभित्रै नेपाल समबन्धका बारेमा नयाँ ढंगले सोच्नु पर्ने आवाज उठिरहेका बेला हुन लागेको कृष्णाको यो भ्रमण नेपाल-भारत सम्बन्ध सुधारका लागि महत्वपूर्ण हुने ठानिएको छ । झलनाथ खनाल नेतृत्वमा सरकार गठन भएपछि भारतीय अधिकारीको यो नै पहिलो उच्चस्तरीय भ्रमण हो । यसअघि कृष्णा तत्कालीन परराष्ट्रमन्त्री सुजाता कोईरालाको निमन्त्रणामा गत वर्ष नेपालको औपचारिक भ्रमणमा आउनु भएको थियो ।