संघीयता र स्वायत्तताका लागि नेवाः र ताम्सालीङ राज्य बन्द सफल

लिम्वूवान डट व्लगस्पोट डटकम,काठमाडौं/डीबी आङ्बुङ लिम्बू

नेवाः-ताम्सालीङ २०६८ वैशाख १२,उत्पीडित आदिवासी जनजातिलगायत वर्ग, जाति/समुदाय, महिला, क्षेत्र आदिको हक, अधिकार कुण्ठित गर्न एकात्मकवादी, यथास्थितिवादी, संघीयता विरोधी तत्वहरूले विभिन्न भ्रम र्छर्ने तथा खुल्लम् खुल्ला संविधान नबनाउने षडयन्त्रतर्फलागेको भन्दै त्यसको विरोधस्वरुप नेवाः-ताम्सालीङ संयुक्त संघर्ष समितिले २०६८ वैशाख १४ गते गरेको १ दिने नेवाः र ताम्सालिङ राज्य बन्द प्रभावकारी र शान्तिपूर्ण ढङ्गले सफल भएको छ । जनादेश विरुद्ध संविधान सभाको म्यादमात्र थप्ने, संविधान सभाको म्याद समाप्त हुने वेलामा राज्यको पुनर्संरचना आयोग बनाउनुपर्ने अड्को थाप्ने र मुलुकलाई संविधानविहीन रुपमा सधै सङ्क्रमणकालीन स्थितिमा राख्ने चलखेल र षडयन्त्र भइरहेकोले त्यसविरुद्ध जनदवाव सिर्जना गर्ने उदेश्यले ताम्सालीङ संयुक्त संघर्ष समिति र नेवाः स्वायत्त राज्य मंकाः संघर्ष समितिद्वारा बैशाख १४ गते बन्द कार्यक्रम आहृवान गरिएको संघर्ष समितिद्वारा प्रेसित एक विज्ञप्तिमा जनाइएको छ ।

नेवाः र ताम्सालीङ संयुक्त संघर्ष समितिको तर्फाट नेवाः स्वायत्त राज्य मंकाः संघर्ष समितिका अध्यक्ष राजभाइ जकःमि र ताम्सालीड संयुक्त संघर्ष समितिका अध्यक्ष मण्डल सदस्य परशुराम तामाङद्वारा संयुक्त रुपमा हस्ताक्षरित विज्ञप्तिमा थप भनिएको छ- ''जनतामा निहित र्सार्वभौमसत्ता र राजकीयसत्ताको लोकतान्त्रिक प्रयोगको रुपमा जनता आफैले मुलुकको संविधान लेख्न पाउनुपर्दछ भन्ने नेपाली जनताको लामो समयदेखिको आकाङ्क्षास्वरुप राष्ट्रको इतिहासमै संविधान सभाद्वारा संविधान लेख्ने स्वर्ण अवसर अहिले हामी बीच छ । विगत अर्ढाईसय बर्षयता आदिवासी जनजातिहरूले विभिन्नरुपमा गरेका आन्दोलन, बाह्रवर्षेजनयुद्ध, ०६२/६३ को जनआन्दोलन तथा मधेश आन्दोलनद्वारा अनुमोदित एवम् जनताको लामो संघर्ष, त्याग र वलिदानपछि प्राप्त संघीयता, लोकतन्त्र, गणतन्त्र तथा धर्मनिरपेक्षताजस्ता नेपाली जनताका ऐतिहासिक र महान उपलब्धिहरूलाई संस्थागत गर्ने महत्वपूर्ण जिम्मेवारी छ । तर, सत्ता केन्द्रीत राजनीतिमा मात्र तल्लिन प्रमुख राजनीतिक दलहरूको भूमिका, संविधान निर्माण प्रक्रियामा देखिएका गतिहिनता तथा संविधानमा विवादित महत्वपूर्ण मुद्दाका सम्बन्धमा रहेको अनिर्णयको वर्तमान अवस्थामा २०६८ जेठ १४ गतेभित्र नयाँ संविधान जारी हुने कुराको आशा अत्यन्त क्षीण बन्दै गएको छ । यस्तोमा उत्पीडित आदिवासी जनजाति लगायत वर्ग, जाति/समुदाय, महिला, क्षेत्र आदिको हक, अधिकार कुण्ठित गर्न एकात्मकवादी, यथास्थितिवादी, संघीयता विरोधी तत्वहरूले विभिन्न भ्रम छर्ने तथा खुल्लम् खुल्ला संविधान नबनाउने, जनादेश विरुद्ध संविधान सभाको म्याद मात्र थप्ने, संविधान सभाको म्याद समाप्त हुने वेलामा राज्यको पुनर्संरचना आयोग बनाउनुपर्ने अड्को थाप्ने र मुलुकलाई संविधानविहीन रुपमा सधै सङ्क्रमणकालीन स्थितिमा राख्ने चलखेल र षडयन्त्र भइरहेकोले त्यसविरुद्ध जनदवाव सिर्जना गर्ने उदेश्यले ताम्सालीङ संयुक्त संघर्ष समिति र नेवाः स्वायत्त राज्य मंकाः संघर्ष समितिद्धारा बैशाख १४ गते बन्द कार्यक्रम आहृवान गरिएको हो ।''

यसैगरी, सोही विज्ञप्तिमा संघर्षको माध्यमबाट सरोकारवाला पक्षको ध्यानाकृष्ट गराउन खोजेका मुद्दाहरू कुनै एक वर्ग, समुदाय वा क्षेत्रसंग मात्र सम्बन्धित नभइ सिंगो मुलुककै साझा सवाल भएकोले अगाडि ल्याएका कार्यक्रमहरू सफल पार्नु सबैको समान जिम्मेवारी हो भन्ने कुरा वोध गर्दै आ-आफनो मातहतमा रहेका कार्यालय, संस्था, कल कारखना, विद्यालय तथा सवारी साधन बन्द गरी बैशाख १४ गतेको नेवाः-ताम्सालीङ बन्द सफल पार्न सवैसँग सहयोग तथा ऐक्यवद्धताका लागि समेत जोरदार अपील गरिएको थियो ।

बन्दको क्रममा कतै टायर नबाली सडकसमेत अबरुद्ध नगरी शान्तिपूर्ण तरिकाले बन्दको कार्यक्रम गरिएको थियो । बन्दमा एम्बुलेन्स, प्रेस/पत्रकारको सवारी साधन, राष्ट्रसंघीय मानव अधिकार समिति, नेपाल; राष्ट्रिय मानव अधिकार आयोग, मानव अधिकारको व्यानर भएको सवारी साधन, रेडक्रस र विरामी बोकेको सवारी साधनहरूलाई निर्वाध रुपमा चल्न दिइएको थियो ।

नेवाः र ताम्सालिङ राज्य क्षेत्रहरूभित्र पर्ने बुढीगण्डकी नारायणीपूर्व, दूधकोशी कमला पश्चिम, तिब्बतको सिमानमा दक्षिण र चितवनसहित लोकमार्ग उत्तरको सबै क्षेत्रमा रहेका प्रमुख शहर तथा सदरमुकामहरू काठमाडौँ, भक्तपुर, ललितपुर, बनेपा, दोलखा, सिन्धुली, धादिङ, नुवाकोट, रसुवा, मकवानपुर, चितवन, सिन्धुपाल्चोक, काभ्रेलगायतका जिल्ला र सडकहरू बन्द रहेका थिए । उक्त बन्दमा संघीय लोकतान्त्रिक राष्ट्रिय मञ्च र यस सम्बद्ध संघीय लिम्बुवान राज्य परिषद र खम्बुवान स्वायत्त राज्य परिषदलगायतको समेत नैतिक र्समर्थन र ऐक्यवद्धता रहेको थियो । बन्दकाक्रममा कतै पनि खास अप्रिय तोडफोड र गिरफ्तारीका घट्नाहरू नभई बन्द शान्तिपूर्ण रुपमा पूर्ण सफल भएको दाबी बन्द आयोजक पक्षले गरेको छ ।