तीन शिर्ष दलका नेताहरुको आज वसेको बैठक विना निष्कर्ष

संविधान सभामा प्रतिनिधित्व गर्ने प्रमुख तीन शिर्ष दलका नेताहरुको आज वसेको बैठक विना निष्कर्ष सकिएको छ । संविधान लेखन प्रक्रियामा देखिएको विवादबारे सहमति खोज्न र संवैधानीक समितिको बैठकमा असन्तुष्टि पोखेका साना दलको माग सम्वोधन गर्न वैधानीक बाटो पहिल्याउन बसेको तीन दलको बैठकले साना दलका नेतासँग बेग्ला बेग्लै छलफल गर्ने निर्णय गरेको छ ।

अरु विषयमा तीन दलबीच आज पनि कुनै सहमति बन्न सकेन । यसअघी बसेको २८ दलको बैठकले साना दलको मागलाई वैधानीक बाटोबाट संवैधानीक समितिसम्म ल्याउने जिम्मा संवैधानीक समितिका सभापति निलाम्वर आचार्य र प्रमुख तीन दलका नेताहरुलाई दिएको थियो । त्यसै अनुसार आज तीन दलको बैठक बसेको थियो । संविधान लेखनका सन्दर्भमा अहिले प्रमुख दलबीच ३० वटा महत्वपुर्ण वुँदामा मतभेद रहेको छ । दलहरुबीच सहमति भइसकेका केहि बुंदामा पनि साना दलले असहमति जनाइरहेका छन् ।