पारषले सफाई पाए, गल्ति नगर्ने कागज गराउन आदेश

लिम्वूवान डट व्लगस्पोट डटकम,काठमाडौं

पूर्वयुवराज पारस शाहलाई जिल्ला प्रशासन कार्यालय चितवनले सचेत सहित सफाई दिने फैसला गरेको छ। चितवनको सौराहमा रहेको टाइगर टप्स होटेलमा गएको मंसिर २५ गते भएको गोलीकाण्डमा मुछिएका पारसलाई अब आइन्दा यस्तो नगर्ने सचेत गराउँदै प्रमुख जिल्ला अधिकारी वसन्तराज गौतमले कागज गराएर सफाई दिने फैसला गरेका हुन् । बादी र प्रतिवादी वकिलको बहस सुनेपछि न्यायाधीश प्रमुख जिल्ला अधिकारी बसन्तराज गौतमले ऐनको दफा २ (६) बमोजिम आइन्दा यस्तो गल्ति नगर्ने कागज गराइ छोडन आदेश दिएका छन् । प्रजिअ गौतमको इजलासले गरेको फैसलामा 'केही सार्वजनिक अपराध र सजाय ऐन २०२७ को दफा ६ को २ बमोजिम पहिलोपटकका लागि कागज गराइ छाडिदिने'-उल्लेख छ । यो फैसलासँगै पारसले ३५ दिनभित्रमा कागज गर्नुपर्नेछ साथै कागज गरेपछि पासरको मुद्दाको किनारासमेत लाग्नेछ । मुद्दा किनारा लागेसँगै पारसले राखेको १० हजार धरौटी रकम पनि फिर्ता भएको छ ।