नेपालमा रहेका गैंडाको नयाँ तथ्याङ्क सार्वजनिक

लिम्वूवान डट व्लगस्पोट डटकम,काठमाडौं

नेपालमा रहेका गैंडाको नयाँ तथ्याङ्क सार्वजनिक गरिएको छ। राष्ट्रिय गैंडा गणना कार्यक्रम सकिएपछि आज नयाँ तथ्याङक सार्वजनिक गरिएको हो। तथ्याङ्कअनुसार नेपालमा तीन वर्षको अवधिमा उनानसय गैडा बढेको छ। चैत बाइस गतेदेखि सुरु गरिएको गैडा गणनाको तत्याङ्क शनिवार चितवन र काठमाडौंमा पत्रकार सम्मेलन गरी सार्वजनिक गरिएको हो। तथ्याङ्कले तीन वर्षमा उनानसय वटा गैडा बढेको देखाएको छ। तीन वर्षअघिको गणनामा नेपालमा चारसय पैतिस गैडा थिए। जुन बढेर पाँचसय चौतिस पुगेको छ। पत्रकार सम्मेलनमा दिइएको जानकारी अनुसार चितवन राष्ट्रिय निकुञ्जमा पाँचसय तीन, बर्दियामा चौविस र शुक्लाफाँटा बन्यजन्तु आरक्षमा सात गैडा फेला परेका छन्। कार्यक्रममा दिइएको जानकारी अनुसार चितवनमा एकसय ४५ भाले, एकसय ८३ पोथी र एकसय ७५ लिङ्ग छुट्याउन नसकिएका, बर्दियामा पाँच भाले, ९ पोथी र दश लिङ्ग छुट्याउन नसकिएका गैडा भेटिएका छन्। शुक्लाफाटामा २ भाले ,२ पोथी र ३ लिङग छुट्याउन नसकिएका गैडा गणनाको क्रममा भेटिएको छ। गणनाका लागि ३४ वटा हात्ती, १ सय ७० जना जनशक्तिको प्रयोग गरिएको थियो। भोगोलिक सूचना प्रणाली जिपिएस, दुरवीन, वाकीटकी र क्यामरा लगायतका विधिवाट गैडाको गणना गरिएकोले अत्यन्तै प्रभावकारी भएको गणनामा सम्लङहरुले वताएका छन्। पर्यटन वर्ष जारी रहेको समयमा भएको गैडा गणनाको तथ्याङ वढ्नुले पर्यटन वर्षका लागि सकारात्मक सन्देश दिएको संरक्षणकर्मीहरुले विश्वास व्यक्त गरेका छन्। अयसअघि सन् २००८ को गणनामा देशभर चारसय पैतिस गैंडा थिए। त्यतिबेलाको गणनाअनुसार चितवनमा चारसय आठ, बर्दियामा बाइस र शुक्लाफाँटामा पाँच गैडा थिए।