अन्जानको "नजलाउ" मृतसागरमा विमोचित

लिम्वूवान डट व्लगस्पोट डटकम,काठमाडौं

नेपाली सांगीतिक क्षेत्रका उदयीमान गायक अन्जान डल्लाकोटीले आफ्नो पहिलो सांगीतिक कोशेली "नजलाउ" संसारकै सबभन्दा होचो स्थान मध्यपूर्वको मृत सागरको किनारमा एक सांगीतिक कार्यक्रमका बीच विमोचन गराएका छन । नया बर्षको उपलक्ष्यमा इजरायलमा आयोजित जिरे खुर्सानी साँझका लागि नेपाल टेलिभिजनका हास्य टेली शृंखला जिरेखुर्सानीका कलाकारद्वय किरण कुमार केसी र शिवहरी पौडेल सँगै सांकृतिक कार्यक्रम प्रस्तुत गर्नका लागि इजरायल पुगेका यी तन्नेरी गायक अन्जानले नयाँ बर्षको सो कार्यक्रम लगायत इजरायलका अन्य बिभिन्न शहरहरुमा सांगीतिक प्रस्तुति देखाएर दर्शकहरुलाइ नचाएको कुरा कार्यक्रमका आयोजक मेरोसंदेश डट कमका कृष्णपक्षले बताएका छन । इजरायलको तेल अभिभमा भएको नया बर्षको कार्यक्रमको केही दिन पछि २४ तारिख आइतबार संसारकै होचो भूभाग मृतसागरमा पुगेका उनले त्यहीँ उपस्थित भएका सैयौं दर्शकहरुबीच पहिलो एल्वम विमोचन भएको घोषणा गरेका थिए । २१ बर्षका यी गायकले सोह्र बर्षकै उमेरमा 'शायद गल्ती' बोलको गीत रेकर्ड गराएका थिए । म्युजिक मेनिया ईन्टरटेनमेन्टको प्रस्तुति रहेको, पप रयाप र रोमान्चक, सेन्तिमेंटल सबै प्रकारका स्वाद रहेको यो सांगीतिक एल्वममा उनको एउटा आफ्नै शिर्ष गीत 'नजलाउ'को रिमिक्स सहित सात वटा सुमधुर गीतहरु रहेका छन ।