कास्कीमा दुइ बालकको जलेर मृत्यु

लिम्वूवान डट व्लगस्पोट डटकम,काठमाडौं

कास्की सिल्जुरेमा दुइ बालकको जलेर मृत्यु भएको छ । प्रहरीका अनुसार मकवानपुर जिल्ला घर भइ हाल सिल्जुरे वडा ८ डेरा गरी बस्ने अर्जुन तामाङका दुइ छोराको जलेर मृत्यु भएको हो ।चिसो मौसममा पराल ओछ्याएर आमा र दुइ छोरासँगै सुतेकामा परालमा आगो सल्केर आगो फैलिइ चार वर्षीय भीमसेन तामाङ र डेढ वर्षीय सन्तोष तामाङ जलेर गम्भीर घाइते भएकामा पश्चिमाञ्चल क्षेत्रीय अस्पतालमा उपचारक्रममा मृत्यु भएको हो । उनीहरुकी आमाको उपचार भइरहेको प्रहरीले जनाएको छ ।यसैबीच, कुटपिटबाट म्याग्दीमा एकजनाको मृत्यु भएको छ । उक्त जिल्लाको अर्मन गाविस वडा २ का ५४ वर्षीय मनिपुर बुढाथोकीको स्थानीय ओमबहादुर छन्त्यालको कुटाइबाट मृत्यु भएको प्रहरीले जनाएको छ । दसैंका समयमा आपसमा झगडा पर्दा छन्त्यालको कुटाइबाट घाइते बनेका मनिपुरको जिल्ला अस्पतालमा उपचारक्रममा मृत्यु भएको हो । छन्त्याललाई प्रहरीले पक्राउ गरेको छ ।