भारतको बिहार जेलमा रहेका करिब ५१८ बालबालिकाको उद्धार कार्य सुरु

लिम्वूवान डट व्लगस्पोट डटकम,काठमाडौं

माइती नेपालले भारतको बिहार जेलमा रहेका करिब ५१८ बालबालिकाको उद्धार कार्य सुरु गरेको छ । अवैध रूपमा कुवेत जान लागेको भनी भारत सरकारले उनीहरुलाई उक्त जेलमा राखेको र धरौटीमा छुटाएर नेपाल ल्याउने प्रक्रिया सुरु गरिएको माइती नेपालका अध्यक्ष अनुराधा कोइरालाले बताउनुभयो ।उहाँका अनुसार प्रतिव्यक्ति करिब रु.पाँच हजार भारतीय सरकारलाई बुझाएर ती बालबालिकालाई उद्धार गर्न थालिएको हो । ती बालबालिकालाई दलालहरुले कुवेत पुर्‍याई दिने भन्दै नक्कली राहदानी बनाएर लैजादै गरेको अवस्थामा भारतीय सरकारले ती बालबालिकालाई पक्राउ गरेको अध्यक्ष कोइरालालाई उद्धृत गर्दे राष्ट्रिय समाचार समितिले जनाएको छ ।