मृत्युदण्ड सुनाइएकी डोल्मालाई अदालतमा उपस्थित गराइने

लिम्वूवान डट व्लगस्पोट डटकम,काठमाडौं

हत्या आरोपमा मृत्युदण्ड सुनाइएकी नेपाली युवती डोल्मा शेर्पालाई आगामी अक्टोबर महिनाको पहिलो साता अदालतमा उपस्थित गराइने भएको छ । एक फिलिपिनी युवतीको हत्याको आरोप लागेकी सिन्धुपाल्चोककी डोल्मालाई उपस्थित गराउन कुबेतको पुनरावेदन अदालतले आदेश दिएको हो ।उक्त अभियोगमा त्यहाँको प्रारम्भिक अदालतले उनलाई मृत्युदण्ड सुनाएको थियो । त्यसै सन्दर्भमा उनलाई उपस्थित गराउनका लागि अक्टोबर ७ तारिखको पेसी रहेको जनाइएको छ । डोल्माको जीवनरक्षाका लागि स्वदेश तथा विदेशका नेपालीहरुको सहयोग गरेका थिए । उनलाई हत्याको आरोप लागेका परिवारलाई क्षतिपूर्ति दिनका लागि नेपाल सरकारले १० हजार डलर मृतकका परिवारलाई दिइने निधो भइसकेको छ ।