लिम्वूवान डट व्लगस्पोट डटकम,काठमाडौं
माओवादीभित्रको कडा धारको नेता मानिने मोहन बैद्य किरणले पार्टी अध्यक्ष प्रचण्डको अनुपस्थितिमा पार्टी सचिवालयको बैठक बोलाउने जिम्मेवारी पाएका छन् । माओवादी सचिवालयको बैठकले पार्टी अध्यक्ष पुष्पकमल दाहाल प्रचण्डको अनुपस्थितिमा सचिवालय बैठक बोलाउने जिम्मेवारी पार्टीका वरिष्ठ नेता मोहन बैद्य किरणलाई दिएको छ । भदौ २७ गते प्रधानमन्त्री निवास बालुवाटारमा भएको बैठकले किरणलाई थप पदीय जिम्मेवारी भने नदिएको बैठकपछि संचारकर्मीहरुसँग कुरा गर्दै माओवादी प्रवक्ता कृष्णबहादुर महराले जानकारी दिए । माओवादी अध्यक्ष प्रचण्ड प्रधानमन्त्री बनेपछि किरणलाई कार्यबाहक अध्यक्ष बनाउने समाचार संचारमाध्यममा आएको थियो । तर, अहिले पाएको जिम्मेवारीले किरणलाई कार्यबाहक अध्यक्षको नजिक पुर्याएको मानिएको छ ।
माओवादी सचिवालयको बैठकले माओवादी जनमुक्ति सेना हेर्ने जिम्मेवारी नन्दकिशोर पुन पासाङलाई दिएको छ । पासाङलाई पनि बैठकले पदीय हैसियत नथपेको महराले जानकारी दिए । पासाङ जनमुक्ति सेनाको चार डेपुटी कमाण्डरमध्ये एक थिए । वर्षामान पुन अनन्त र जनार्दन शर्मा प्रभाकरले राजनीतिक कारण डेपुटी कमाण्डर छाडेपछि पासाङ र चन्द्र खनाल बलदेव डेपुटी कमाण्डर बाँकि छन् । माओवादीको आजको बैठकले संसदीय मामिला प्रमुखमा सचिवालय सदस्य पोष्टबहादुर बोगटी दिवाकरलाई चयन गरेको छ ।
माओवादी सचिवालयको बैठकले माओवादी जनमुक्ति सेना हेर्ने जिम्मेवारी नन्दकिशोर पुन पासाङलाई दिएको छ । पासाङलाई पनि बैठकले पदीय हैसियत नथपेको महराले जानकारी दिए । पासाङ जनमुक्ति सेनाको चार डेपुटी कमाण्डरमध्ये एक थिए । वर्षामान पुन अनन्त र जनार्दन शर्मा प्रभाकरले राजनीतिक कारण डेपुटी कमाण्डर छाडेपछि पासाङ र चन्द्र खनाल बलदेव डेपुटी कमाण्डर बाँकि छन् । माओवादीको आजको बैठकले संसदीय मामिला प्रमुखमा सचिवालय सदस्य पोष्टबहादुर बोगटी दिवाकरलाई चयन गरेको छ ।
No comments:
Post a Comment