मुम्बइ विस्फोटका दुइ अभियुक्त काठमाडौंमा पक्राउ

लिम्वूवान डट व्लगस्पोट डटकम,काठमाडौं

भारतको मुम्बइ सहरमा १६ वर्षअघि भएको शृंखलावद्ध विस्फोटका घटनामा संलग्न रहेका दुइजना भारतीयलाई नेपाल प्रहरीले काठमाडौंमा पक्राउ गरेको छ । उनीहरुलाई पक्राउपछि भारतलाई हस्तान्तरण गरिएको छ । ती दुबै अभियुक्तको नाम प्रहरीको अन्तर्राष्ट्रिय सञ्जाल इन्टरपोलको रेड कर्नर नोटिसमा राखिएको थियो ।पक्राउ पर्नेमा सलिम अब्दुल गानी गाजी पनि भनिने अस्फाक अहमद शाह र अहमद लोन पनि भनिने रियाज अहमद खत्री रहेको प्रहरीको अपराध महाशाखाका प्रमुख उपेन्द्रकान्त अर्यालले जानकारी दिनुभएको छ । खत्री कुख्यात भारतीय दाउद इब्राहिमका चालक रहेको बताइएको छ ।काठमाडौंमा पस्मिना र म्यानवापर व्यवसायमा संलग्न रही उनीहरु बस्दैआएका थिए । पक्राउपछि दुवैलाई भारतीय सीबीआइका अधिकृतसमक्ष जिम्मा लगाइएको हो । सन १९९३ को मार्च १२ मा मुम्बइको मध्य र उत्तरी क्षेत्रका बान्द्रा, माहिम र खार लगायत १३ स्थानमा गराइएको विस्फोटमा परी २ सय ५७ जना मारिएका थिए । सात सय १३ जना घाइते भएका थिए ।