नीति तथा कार्यक्रम पारित मन्त्री परिषद बैठकले

लिम्वूवान डट व्लगस्पोट डटकम,काठमाडौं

राष्ट्रपति डा. रामवरण यादवमार्फत संसदमा पेश हुने सरकारको नीति तथा कार्यक्रम मन्त्री परिषद बैठकले पारित गरेको छ । मन्त्री परिषदको बैठकले संसदमा राष्ट्रपति डा. रामवरण यादवमार्फत पेश हुने सरकारको नीति तथा कार्यक्रम पारित गरेको छ । भदौ २४ गते सिंहदरवारस्थित प्रधानमन्त्रीको कार्यलयमा बसेको मन्त्री परिषदको बैठकले पारित गरेको सरकारको नीति तथा कार्यक्रम ८० देखि ९० बुँदाको रहेको संचारमन्त्री तथा सरकारका प्रवक्ता कृष्णबहादुर महराले बताए । भदौ २३ गते बसेको सरकारमा सहभागि दलहरुको बैठकमा सहमति नभएपछि नीति तथा कार्यक्रमबारे निर्णय हुनसकेको थिएन । नीति तथा कार्यक्रमका लागि माओवादीले ६९ बुँदे र एमालेले ५० बुँदे प्रस्ताव ल्याएका थिए ।
मन्त्री महराका अनुसार, सरकारले आजै नीति तथा कार्यक्रम संविधानसभा सचिवालयमा दर्ता गराउने छ । भदौ २५ गते बिधायिकाकोरुपमा बस्नलागेको संविधानसभा बैठकमा राष्ट्रपति डा. रामवरण यादवले उक्त नीति तथा कार्यक्रम पेश गर्नेछन् ।