घोषणासँगै विवादमा पर्‍यो संयन्त्र

लिम्वूवान डट व्लगस्पोट डटकम,काठमाडौं
०८ जनवरी, २०१०,कांग्रेस सभापति गिरिजाप्रसाद कोइरालाको लामो प्रयासपछि गठन गरिएको उच्च स्तरीय राजनीतिक संयन्त्र थप विवादको घेरामा पर्ने राजनीतिक विश्लेषणहरु सुरु भएका छन् । कोइरालाकै जिद्धिका कारण गठन भएको संयन्त्रको कार्यविधि कै टुंगो नभएका कारण संयन्त्रवाट राजनीतिक निकास निष्कनेमा पनि आशंका सुरु भइसकेको छ ।तीन दलका शिर्ष नेताहरुबीच गठन भएको संयन्त्रलाई तीनै दलका दोस्रोपुस्ताका नेताहरुले हल्का रुपमा लिएका छन् । एमालेका वरिष्ठ नेता केपी शर्मा ओलीले नेताहरुको मानकालागि उच्चस्तरीय राजनीतिक संयन्त्र बनाइएको बताए। उनले भने- यो संयन्त्र मानको खातिर हो, सरकार ढाल्ने र बचाउने दुबै पक्ष संयन्त्रमा बसेर कसरी काम हुन्छ ?
संयन्त्र गठनपछि नै माओवादी अध्यक्ष प्रचण्डले विराटनगर पुगेर आन्दोलनलाई निरन्तरता दिने घोषणा गर्नुले पनि संयन्त्रको भविष्य अन्यौलमा परेको छ । कांग्रेकै कतिपय नेताहरु संयन्त्रकै विपक्षमा देखिएका छन् । एमाले र माओवादीका नेताहरु पनि संयन्त्र निर्माणले सरकार धरापमा परेको बताउन थालेका छन् । दलहरुभित्रै देखिएको विवादकावीच गठन भएको राजनैतिक संयन्त्रका विषयमा संयन्त्रमा सहभागि दलहरुनै स्पष्ट नभएका कारण यसको भविष्यका विषयमा अहिले नै आशंका पैदा भएको राजनीतिक विष्लेशक सिके लालले बताए । कार्यविधि नै तयनगरी संयन्त्र निर्माण गर्नुले कोइराला फेरी नेता बन्ने प्रतिस्पर्धामा लागेको एक कांग्रेसी नेताले आरोप लगाएका छन् । कोइराला निकट नेताहरुले भने संविधान र शान्ति प्रकृयालाइ निष्कर्षमा पुराउने बाहेक कोइरालाको कुनै स्वार्थ नरहेको दाबी गरेका छन् । यद्यपी संयन्त्र निर्माणमा सहभागि नेताहरुले भने संयन्त्रले शान्ति प्रक्रियालाई निष्कर्षमा पुराउनुको साथै संबिधान निर्माणको दायीत्व पूरा गर्ने बताएका छन् । तीनदलबीच महत्वपूर्ण खाका तय नभएसम्म संयन्त्र बन्‍दैमा सहमित हुने सम्भावना भने अत्यन्त कम रहेको देखिन्छ ।