सात मिनेटमा आधा केजी चामलको भात पकाउने चुह्लो तयार

लिम्वूवान डट व्लगस्पोट डटकम,काठमाडौं

काँकडभिट्टा, माघ १६- झापाको पूर्वाञ्चल व्यापार मेलामा 'खाना पकाउने कम्प्युटर चुह्लो' आकर्षणको केन्द्र बनेको छ। तीन मिनेटमा एक लिटर पानी उमाल्ने र सात मिनेटमा आधा केजी चामलको भात पकाउन सक्ने यसले विद्युतीय शक्तिलाई चुम्बकीय ऊर्जामा परिवर्तन गर्नेभएको हुँदा चुल्हो र भाँडोमा न त करेन्ट नै लाग्छ, न त त्यसमा तातो नै हुन्छ। “जे पकाउने हो, त्यसमा मात्र तातो हुन्छ”,— कम्प्युटर चुल्होका बिक्री प्रवर्द्धक कुमार बास्तोला भन्छन्। यसले विद्युत् पनि थोरै खपत गर्छ। शक्ति वाटर ट्रेड कन्सर्न काठमाडौँले यसको बिक्री वितरण गरिरहेको छ। आफू नताती पानी र खानेकुरा तताउने इलेक्ट्रो मेग्नेटिभ वेभ प्रविधिद्वारा बनाइएको यो चुल्हो हेर्नेको मेलामा घुइँचो नै लाग्ने गरेको छ। रु. सात हजारमा पाइने यो कम्प्युटर चुह्लो जर्मनीमा बनेको पछिल्लो पुस्ताको विद्युतीय उपकरण हो।