सद्दामका सहयोगी अली हसनलाई फाँसी

लिम्वूवान डट व्लगस्पोट डटकम,काठमाडौं

बगदाद(इराक), माघ ११ सद्दाम हुसेनका सहयोगी मानिने अली हसन अल माजिदलाई सोमबार फाँसी दिइएको छ। केमिकल अलीको नामले चर्चित उनलाई चौथो पटकको मृत्युदण्ड कार्यान्वयन गर्दै यो सजाय दिइएको इराक सरकारका प्रवक्ता अली अल दब्बाखले बताएका छन्। चौथो पटकको मृत्युदण्ड उनलाई एक साताअघि सुनाइएको थियो। सद्दामकै पालामा पाँच हजार कुर्दहरुको मृत्यु हुनेगरि हलाब्जामा गराएको ग्याँस आक्रमणमा उनलाई दोषी ठहर गर्दै सजाय सुनाइएको थियो। यसैबीच अलीलाई फाँसी दिए लगत्तै बगदादमा भएको एक आत्मघाती बम हमलामा ३६ जनाको मृत्यु भएको छ भने ८० भन्दा बढी घाइते भएका छन्।