बाजे, बाबु र नातिनी सँगै परीक्षामा सामेल

लिम्वूवान डट व्लगस्पोट डटकम,काठमाडौं

खोटाङ माघ १५– खोटाङको बतासेस्थित जनता मावि भण्डारीडाँडामा एकै परिवारका तीन पुस्ता सँगै परीक्षा दिइरहेका छन्। एसएलसीका लागि शुक्रबार सुरु भएको सेन्टअप टेष्ट परीक्षामा एकै परिवारका बाजे, बाबु र नातिनी सँगै सामेल भएका हुन्। यसरी परीक्षा दिनेमा ६५ वर्षीय बाजे धनबहादुर श्रेष्ठ, ३५ वर्षीय बाबु रमेश श्रेष्ठ र १५ वर्षीय नातिनी सुशीला श्रेष्ठ छन्। उनीहरुको यो उत्साहले अरुलाई पनि सकारात्मक प्रभाव परेको सोही विद्यालयका प्रधानाध्यापक हेम्बर बस्नेतले बताए। शिक्षाको महत्व देखाउन भन्दै बाबु र बाजेले नातिनीसँगै परीक्षा दिन सुरु गरेपछि हेर्नेहरुको समेत घुइँचो लागेको स्थानीय काशीनाथ दङ्गालले बताए। जिल्लाका ६३ माविमा शुक्रबार यो परीक्षा सुरु भएको छ।