१० वटा नयाँ गाडी सरकार ढलेपछि आइपुगे

लिम्वूवान डट व्लगस्पोट डटकम,काठमाडौं

२३ असार,जम्बो मन्त्रिपरिषद्का सदस्यहरूका लागि मगाइएका १० वटा नयाँ गाडी सरकार ढलेपछि आइपुगेका छन्　। गृह मन्त्रालयले काम चलाउ मन्त्रीहरूलाई ती नयाँ गाडी नदिएपछि उपराष्ट्रपति र कानुनसचिवले मात्र नयाँ गाडी लगेका छन्　। मन्त्री धेरै र राम्रा गाडी थोरै भएपछि मन्त्री र गृह मन्त्रालयबीच विवाद हुने गरेको थियो　। खेलकुद राज्यमन्त्री चन्दा चौधरीले त थोत्रो भएको भन्दै सरकारी गाडी आफैं तोडफोड गरेकी थिइन्　।
सबै मन्त्रीलाई भाग पुर्‍याउन सरकारले कोरियाबाट किया कम्पनीका १० वटा सेरेटो गाडी मगाएको थियो　। यसका लागि सरकारले झन्डै तीन करोड रुपैयाँ तिरेको छ　। यसअघि गाडीको मागसहित विभिन्न मन्त्रीले पठाएको पत्र गृह मन्त्रालयले त्यसै थन्क्याएर राखेको छ　। 'सबै मन्त्री काम चलाउ भएकाले नयाँ गाडी उपलब्ध गराउने कुरै भएन्,' गृहका एक अधिकारीले भने　।