पहिरोले एकै परिवारका ५ सहित ७ जना बेपत्ता

लिम्वूवान डट व्लगस्पोट डटकम,काठमाडौं

स्याङ्जा, उत्तरी धादिङको विकट गुम्दी गाविस-२ बर्धनमा सोमबार बिहानको राति एक्कासि पहिरो जाँदा एकै परिवारका ५ सहित ७ जना बेपत्ता भएका छन्।बेपत्ता हुनेमा एकै परिवारका ४० वर्षीय मीनबहादुर गुरुङ उनकी श्रीमती ३५ वर्षीया माइली आमा ८० वर्षीया सोमती छोरीहरु १३ वर्षीया मनमाया र १५ वर्षीया टीकामाया रहेको स्थानीय होमबहादुर गुरुङले जानकारी दिएका छन्। यसैगरी स्थानीय ६२ वर्षीया तेलमाया गुरुङ र ३२ वर्षीया दिलमाया गुरुङ पनि बेपत्ता भएका छन्।हराइरहेकाहरुको खोजी भइरहेको जनाइएको छ। हराएका धनबहादुर गुरुङको जीवितै उद्धार गरिएको स्थानीय बासिन्दाले जानकारी दिए। रातिको समयमा आएको पहिरोका कारण २ घर पहिरोमा परी पूर्णरुपमा ध्वस्त भएका छन् भने १० घरमा क्षति पुगेको छ। ५० भन्दा बढी चौपाया पुरिएर हराएका छन्।राति अत्यधिक पानी परेका कारण गाउँको बीचबाट एक किलोमिटर लामो पहिरो आएको हो। राति गाउँमा हाहाकार मच्चिएको थाहा पाएर स्थानीय होमबहादुर गुरुङले उठेर हेर्दा आफ्नो घर पनि बगाउन लागेको दखॆर परिवारसहित भागेका थिए। उनको परिवार भने जोगिएको छ। एकै परिवारका ५ जना बेपत्ता भएपछि १० वर्षीय नामकेल गुरुङ मात्र बाँकी रहेकोले उनको बिचल्ली भएको छ।