राजश्व ठगेको आशंकामा पेप्सीमा छापा

लिम्वूवान डट व्लगस्पोट डटकम,काठमाडौं

पुस ९ - राजश्व ठगी गरेको आशंकामा राजश्व चुहावट नियन्त्रणका लागि गठित कार्यदलले सोमबार पेप्सीको कारखाना तथा विक्री कक्षमा छापा मारेको छ । पेप्सीकोलास्थित कारखाना तथा बालुवाटारस्थित पेप्सीको विक्री कक्षमा शुक्रबार दिउँसो एकै समयमा छापा मारेर कार्यदलले सील गरेको छ । कार्यदल संयोजक शान्तबहादुर श्रेष्ठको नेतृत्वमा गएको राजश्व टोलीले छापा मारेको हो । पेप्सीले कर छलेको आशंकामा छापा मारिएको एक राजश्व अधिकृतले जानकारी दिए । अख्तियार दुरुपयोग अनुसन्धान आयोगले त्रुटि देखिएको भन्दै यसअघि रियल जुसको बारास्थित फ्याक्ट्रीमा सील गरेको थियो ।