पेट्रोलियम पदार्थको मूल्य वृद्धिको बिरोधमा आज पनि प्रर्दशन

लिम्वूवान डट व्लगस्पोट डटकम,काठमाडौं
मंसिर २३ - प्रहरी नियन्त्रणमा रहेका आफ्नो सहकर्मी रिहाइको माग गर्दै विद्यार्थीले चावहिल स्थित पशुपति क्याम्पस अगाडि प्रर्दशन गरिरहेका छन् । पेट्रोलियम पदार्थमा गरिएको मूल्य वृद्धिको बिरोधमा उत्रिएका विद्यार्थीसँग मंगलबार भएको झडपमा प्रहरीले स्ववियु उपसभापति सहित ९ जनालाई नियन्त्रणमा लिएको थियो । प्रहरीले बुधबार अपरान्ह्र सम्म रिहाई गर्ने जनाए पनि अझैसम्म नियन्त्रणमा राखेको भन्दै विद्यथीले प्रर्दशन गरेका हुन् । यसैबीच ग्यास विक्रेता माहासंघले बबहरमल स्थित नेपाल आयल निगमको केन्द्रीय कार्यालय घेराउ गरेको छ । बिहान १० बजे सुरु घेराउ कार्यक्रम मध्यान्ह्र १२ बजे सम्म जारी रहने महासंघका अध्यक्ष ज्ञानेश्वर अर्यालले जानकारी दिए ।
यसैगरी, पेट्रोलियम पदार्थको मुल्यवृद्धिको विरोधमा पाल्पाका विद्यार्थी संगठनले बिहीबार बिहानैदेखि तानसेन-तम्घास सडक अवरुद्ध पारेका छन् । उनीहरुले सरकार र आयल निगम विरुद्ध चर्को नाराबाजी गर्दै सडक अवरुद्ध पारेका हुन् । विरोध स्वरुप विद्यार्थीले रातो ग्यास सिलिण्डर उल्टो पारी दाउरा बालेर सडकमा प्रर्दशन गरेका थिए । प्रर्दशनमा स्थानीयबासी र व्यापारी पनि सहभागी थिए ।