जातीय विद्रोहमा एक हजारभन्दा बढी पक्राउ

लिम्वूवान डट व्लगस्पोट डटकम,काठमाडौं
मस्को / केही दिनपहिले एक फुटबलप्रेमी युवकलाई मुसलमान सन्काहाहरूले गोली हानी हत्या गरेको विरोधमा जातीय हिंसा भड्किँदा मस्को तथा अन्य सहरबाट रुसी प्रहरीले हजारभन्दा बढी हुल्लडबाज जनजाति युवकहरूको जमातलाई पक्राउ गरी नियन्त्रणमा लिएको छ　। घटनास्थलनजिक मस्कोको किभस्काई रेल-वे स्टेसन क्षेत्रबाट निर्ममतापूर्वक लछारपछार गरी युवा तथा युवतीलाई हथकडी लगाई गिरफ्तार गरेको थियो　। दंगा नियन्त्रण गर्न प्रहरीले मस्कोबाहिर र गृह मन्त्रालयबाट समेत विशेष सुरक्षादस्ता ल्याएको थियो　।
शनिबार हजारौँ प्रदर्शनकारीले क्रेमलिनबाहिर प्रहरीसँग भिडन्तमा उत्रेका थिए　। मस्कोको रेल-वे स्टेसननजिकै युवा समूह राष्ट्रवादी नारा लगाइरहेका थिए　। फुटबल खेल भइरहेका वेला उत्तरी ककेसियनसँग झगडामा परेका एक युवकको मृत्यु भएपछि अल्पसंख्यक जातिमाथि लक्षित गरी हमला भएको हो　। प्रहरीले पिटर्सवर्गका ६० जना र सामरामा सयजना पक्राउ गरेको छ　। मस्कोका मेयर सेर्गेई सोब्यानिनले धैर्यधारण गर्न आग्रह गरेका छन्　।