विवाद मिलाउन छलफलमा व्यस्त माओवादी नेताहरु

लिम्वूवान डट व्लगस्पोट डटकम,काठमाडौं

राजधानीमा पटक पटक भएको छलफलबाट पनि पार्टीको विवाद मिल्न नसकेपछि एकीकृत माओवादी अहिले सिन्धुपाल्चोकस्थित भोटेकोशी नदीको किनारमा रहेको एक रिसोर्टमा छलफलमा व्यस्त छ । विवाद मिलाउनका लागि अध्यक्ष पुष्पकमल दाहाल प्रचण्ड उपाध्यक्षद्वय मोहन वैद्य बाबुराम भट्टराईलगायत स्थायी समितिका सबैजसो नेता सुकुटेस्थित भोटेकोशीको किनारमा रहेको इक्वेटर रिसोर्टमा पुगेका हुन् । बैठकमा पछिल्लो समयमा माओवादीका अध्यक्ष एवं उपाध्यक्षबीच देखिएको मतभेद र यसले भ्रातृ एवं जनवर्गीय संगठनमा देखिएको असर लगायतका विषयमा छलफल हुने जनाइएको छ।