कर्मचारीमाथि सांघातिक आक्रमणमा संलग्न रहेको आरोपमा कांग्रेस नेता पक्राउ

लिम्वूवान डट व्लगस्पोट डटकम,काठमाडौं

प्रहरीले नेपाली कांग्रेसका जिल्ला स्तरीय एक नेतालाई जिल्ला स्तरीय दलीय संयन्त्र प्रतिनिधि र जिविसका कर्मचारीमाथि सांघातिक आक्रमणमा संलग्न रहेको आरोपमा पक्राउ गरेको छ । जिल्ला विकास समितिले प्रशासनलाई दिएको किटानी जाहेरीको आधारमा जिल्ला प्रहरी कार्यालयबाट खटिएको एक टोलीले नेपाली कांग्रेसका महासमिति सदस्य कुन्साङ लामालाई उनकै घरबाट पक्राउ गरेको हो । दलिय संयन्त्रको निर्णय सहित जिविसले कारवाहीको माग राख्दै १३ जनाको नाममा बिहीवार जिल्ला प्रशासन कार्यालयमा उजुरी हालेको थियो । प्रशासनले पनि बिहीवार नै लिखित पत्र लेखेर उजुरीमा नाम उल्लेख भएकाहरुलाई पक्राउ गरी कारवाही पक्राउ गर्न निर्देशन दिएको थियो । दलीय संयन्त्र प्रतिनिधिमाथि आफ्नै स्थानीय कार्यकर्ताले सिपाली-बुढाखानी मोटरबाटो मर्मतमा कम बजेट छुट्टाएको भन्दै मंगलवार साँझ आक्रमण गरेका थिए । प्रहरीले लामालाई पक्राउ गरेपछि त्यसको विरुद्धमा कांग्रेस आन्दोलनमा उत्रिने तयारी गरेको छ ।