प्रहरी टोलीमाथि आक्रमण, आठ बेपत्ता

लिम्वूवान डट व्लगस्पोट डटकम,काठमाडौं
पूर्वी पहाडी जिल्ला खोटाङ तथा आसपासका क्षेत्रमा सशस्त्र हतियारधारी समूहले सुरक्षाकर्मी तथा प्रहरी चौकी आक्रमणको निशाना बनाउँदै आएका छन् । यसैक्रममा खोटाङको विसुघाट मेलाको सुरक्षार्थ खटिएको प्रहरी टोलीमाथि अज्ञात समूहद्वारा आक्रमण भएको छ । प्राप्त जानकारीअनुसार जिल्ला प्रहरी कार्यालय दिक्तेलबाट खटिएका ११ जना प्रहरी मेलाबाट फर्किनेक्रममा आक्रमण भएको थियो । अज्ञात समूहको आक्रमणबाट तीन प्रहरी घाइते भएका छन् भने आठ प्रहरी बेपत्ता भएको बुझिएको छ ।
आक्रमणकारी उक्त समूहले चार थान थ्री नट थ्री राइफल, एक नाल पेस्तोल र सञ्चारसेट समेत लुटेर लगेका छन् । मेलाको सुरक्षार्थ खटिएको प्रहरी टोलीमाथि आक्रमण भएको जानकारी पाएपछि जिल्ला प्रहरी कार्यालयबाट थप बल यसतर्फपरिचालन भएको छ । आक्रमण किराँत वर्कस पार्टीले गरेको आशंका गरिएको छ । यसअघि जिल्लाका चिसापानी, देविस्थान, दुक्नाचौरका प्रहरी चौकीमा आक्रमण तथा विभिन्न गाविस भवनमा किराँत वर्कस पार्टीले आक्रमण गरेको रहस्य खुल्यो ।