साझा सहमतिको प्रस्ताव लैजान कङ्ग्रेस र एमाले सहमत

लिम्वूवान डट व्लगस्पोट डटकम,काठमाडौं

असोज १४ माओवादीले संसदमा ल्याउने भनिएको संकल्प प्रस्तावको सट्टा साझा सहमतिको प्रस्ताव लैजान कङ्ग्रेस र एमाले सहमत भएका छन्। यसका लागि बिहीबार माओवादीसहित बैठक बसेर सहमति खोजिनेमा पनि दुवै पक्ष सहमत भए। बुधबार बसेको यी दुई दलको बैठकले यो निर्णय गरेका हुन। प्रधान सेनापति प्रकरणमा राष्ट्रपतिको कदम तथा माओवादीले उठाउँदै आएको नागरिक सर्वोच्चताको विषयमा सबैलाई मान्य हुने प्रस्तावबारे छलफल गरिने निर्णय भएको वार्ताकारहरुले बताएका छन्।वार्तामा कङ्ग्रेसबाट रामचन्द्र पौडेल, प्रकाशमान सिंह र विमलेन्द्र निधि थिए भने एमालेबाट युवराज ज्ञवाली, प्रदीप ज्ञवाली, उर्मिला अर्याललगायत् थिए।